കോതമംഗലം: അപ്രഖ്യാപിത പവർകട്ടും വോൾട്ടേജ് ക്ഷാമവും കടുത്ത ചൂടും നെല്ലിക്കുഴിയിലെ ഫര്‍ണ്ണീച്ചര്‍ നിർമ്മാണ വ്യാപാര മേഖലയെ പ്രതിസന്ധിയിലാക്കുന്നു.
നെല്ലിക്കുഴിയിലെ ഫര്‍ണ്ണീച്ചര്‍ വ്യാപാരം അതി പ്രശസ്തമാണ്.ഏതുതരം ഫര്‍ണ്ണീച്ചറുകളും ഇവിടെ ലഭിക്കും. പരമ്പരാഗത രീതിയിലുള്ളതും ആധുനീക ഡിസൈനുകളിലുള്ളതും തിരഞ്ഞെടുക്കാം. വിവിധതരം തടികള്‍കൊണ്ടുള്ളത് വിവിധ വിലനിലവാരത്തിലുള്ളത്. സംസ്ഥാനത്തെമ്പാടുമുള്ള ഫര്‍ണ്ണീച്ചര്‍ ഷോപ്പുകളില്‍ വില്‍പ്പനക്കുവച്ചിട്ടുള്ളതില്‍ നെല്ലിക്കുഴിയില്‍ നിിന്നുള്ള ഫര്‍ണ്ണീിച്ചറുകളുമുണ്ട്.എണ്ണിയാലൊടുങ്ങാത്ത ഫര്‍ണ്ണീച്ചര്‍ ഷോപ്പുകളുണ്ട് നെല്ലിക്കുഴിയിലും പരിസരപ്രദേശങ്ങളിലും.അനുബന്ധ ഉല്‍പ്പന്നങ്ങളുടെ കടകളും ധാരാളം.ഫര്‍ണ്ണീച്ചര്‍ നിര്‍മ്മാണവും അനുബന്ധ പ്രവര്‍ത്തനങ്ങളും നടക്കുന്ന വര്‍ക്ക്‌ഷോപ്പുകളും നിരവധി. ആയിരക്കണക്കിനാളുകള്‍ക്കാണ് നെല്ലിക്കുഴി തൊഴില്‍ നല്‍കുന്നത്.അന്യസംസ്ഥാനക്കാരാണ് ഏറെയും. എന്നാല്‍ ഇപ്പോള്‍ നെല്ലിക്കുഴിയുടെ സ്ഥിതി അത്രകണ്ട് മെച്ചമല്ല. വലിയ പ്രതിസന്ധിയുണ്ട്. വേനൽ കടുത്തതോടെ ഇടക്കിടെ ഉണ്ടാകുന്ന അപ്രഖ്യാപിത പവർകട്ട് ഫർണ്ണിച്ചർ നിർമ്മാണത്തിന് തടസ്സമാകുകയാണ്.
നിരവധി കടകള്‍
തൊഴിലാളികള്‍ക്ക് ശമ്പളംപോലും നല്‍കാന്‍ കഴിയാതെ പാടുപെടുകയാണ്. വോള്‍ട്ടേജ് ക്ഷാമമാണ് മറ്റൊരു പ്രധാനവെല്ലുവിളി .പകലും രാത്രിയിലും വോള്‍ട്ടേജ് ക്ഷാമം രൂക്ഷമാണ്. ഇതൂമൂലം നിര്‍മ്മാണജോലികള്‍ സമയബന്ധിതമായി പൂര്‍ത്തീകരിക്കാന്‍ കഴിയുന്നില്ല. ചൂടിന്റെ ആധിക്യവും തൊഴിലിടങ്ങളെ ബാധിച്ചിട്ടുണ്ട്. തിരഞ്ഞെടുപ്പ് ഉള്‍പ്പടെയുള്ള കാരണങ്ങളാല്‍ തൊഴിലാളികള്‍ നാടുകളിലേക്ക് മടങ്ങിയതിനാല്‍ തൊഴിലാളി ക്ഷാമവും തിരിച്ചടിയായിരിക്കുകയാണെന്ന് വ്യാപാരികൾ പറഞ്ഞു.
