കോതമംഗലം: നഗരസഭ പി എം എ വൈ – നഗരം ലൈഫ് പദ്ധതി ഗുണഭോക്താക്കളുടെ സംഗമം നഗരസഭ ഹാളിൽ വെച്ച് നഗരസഭ ചെയർമാൻ കെ കെ ടോമി നിർവഹിച്ചു. നഗരസഭ വൈസ് ചെയർപേഴ്സൺ സിന്ധു ഗണേശൻ അധ്യക്ഷത വഹിച്ചു. സ്ഥിരം സമിതി അധ്യക്ഷന്മാരായ കെ വി തോമസ് , രെമ്യ വിനോദ്, കൗൺസിലർമാരായ സിജു എബ്രഹാം, റോസ്സിലി ഷിബു, റിൻസ് റോയ്, പി ആർ ഉണ്ണികൃഷ്ണൻ, എൽദോസ് പോൾ, സിജോ വർഗീസ്, സിബി സ്കറിയ ഗിരീഷ് കുമാർ എന്നിവർ പ്രസംഗിച്ചു.
പൂർത്തീകരിച്ച ഭവനങ്ങൾക്ക് താക്കോൽ ദാന കർമം നടത്തി. പി എം എ വൈ -അർബൻ – ലൈഫ് പദ്ധതിയിൽ ഉൾപ്പെട്ട ഗുണഭോക്താക്കളുടെ മക്കളിൽ വിദ്യാഭ്യാസ രംഗത്ത് മികവ് പുലർത്തിയവരെ അഭിനന്ദിച്ചു. പദ്ധതി പ്രകാരം ഭവന നിർമ്മാണം പൂർത്തീകരിച്ച ഗുണഭോക്താക്കൾക്ക് ഫല വൃക്ഷ തൈകൾ വിതരണം നടത്തി. ആക്സിസ് ബാങ്ക് പ്രതിനിധി ഹോം ലോൺ നെ കുറിച്ച് അവബോധനം നടത്തി.’മാലിന്യ സംസ്കരണം വീടുകളിൽ ‘ എന്ന വിഷയത്തേക്കുറിച്ചു സോളിഡ് വേസ്റ്റ് മാനേജ്മെന്റ് എൻജിനീയർ അശ്വിനി സുകു ബോധവത്കരണ ക്ലാസ്സ്‌ നടത്തി.
