പഴയ ടിവി യുടെ പിച്ചർ ട്യൂബ് പൊട്ടിത്തെറിച്ച് ഗൃഹനാഥന് പരിക്ക് 

കോതമംഗലം : തലക്കോട് വീടിന് പിന്നിൽ സൂക്ഷിച്ച പഴയ ടിവിയുടെ പിച്ചർ ട്യൂബ് പൊട്ടിത്തെറിച്ച് ഗ്രഹനാഥന് പരിക്ക്.തലക്കോട് അംബികാപുരം പള്ളിക്കുന്നേൽ ബിജുവിൻ്റെ വീട്ടിലെ കേടായ ടിവി കഴിഞ്ഞ കുറച്ചു നാളുകളായി അടുക്കള ഭാഗത്ത് ചെറിയ ഇളം തിണ്ണയിൽ വച്ചിട്ടുണ്ടായിരുന്നു. ഇതാണ് പൊട്ടിത്തെറിച്ചത്.

ടിവിയുടെ പൊട്ടിത്തെറിയിൽ ഒരു ഭാഗം ബിജുവിന്റെ കാലിൽ തുളഞ്ഞു കയറി.സ്ഫോടന ശബ്ദം 100 മീറ്റർ അകലെ വരെ കേട്ടതായി പ്രദേശവാസികൾ പറഞ്ഞു.എന്താണ് ഇങ്ങനെ സംഭവിച്ചത് എന്ന് അധികാരികൾ ആരും വ്യക്തമായ മറുപടിയും തരുന്നില്ല.