കോതമംഗലം: സിപിഐ എമ്മിലേക്ക് വന്ന തങ്കച്ചന് കാരപ്ലാക്കല്, സന്ധ്യ സന്തോഷ്, രാധ പുരുഷന് എന്നിവരെ എല്ഡിഎഫ് സ്ഥാനാര്ഥി ജോയ്സ് ജോര്ജ് ഹാരമണിയിച്ച് സ്വീകരിച്ചതോടെ ആവേശം അണപൊട്ടി. കീരംപാറ പഞ്ചായത്തിലെ പന്തപ്രയില് നടന്ന ജോയ്സ് ജോര്ജ്ജിന്റെ സ്വീകരണ പരിപാടിയിലാണ് ഇവര് സിപിഐ എമ്മിനൊപ്പം ചേര്ന്നത്.
രാജ്യം നേരിടുന്ന ഗുരുതരമായ പ്രശ്നങ്ങളില് നിലപാടുകളില്ലാതെ മലക്കം മറിയുന്ന കോണ്ഗ്രസ്സിന്റെയും വര്ഗീയത പടര്ത്തുന്ന ബിജെപിയുടെയും നയങ്ങളിലുള്ള പ്രതിഷേധമാണ് ജനപക്ഷത്തോടൊപ്പം എന്നും നില്ക്കുന്ന സിപിഐ എമ്മിനൊപ്പം ചേരുന്നതിന് പ്രേരിപ്പിച്ചതെന്ന് ഇവര് പറഞ്ഞു.
