പോത്താനിക്കാട്: കോതമംഗലം ബ്ലോക്ക് പഞ്ചായത്തിന്റെയും പോത്താനിക്കാട് പഞ്ചായത്തിന്റെയും സംയുക്ത പദ്ധതിയില്‍ ഉള്‍പ്പെടുത്തി നിര്‍മ്മിച്ച പറമ്പഞ്ചേരി ജനകീയ ആരോഗ്യ കേന്ദ്രം പ്രതിപക്ഷ നേതാവ് വി.ഡി.സതീശന്‍ നാടിന് സമര്‍പ്പിച്ചു. വര്‍ഷങ്ങളായി ഉപയോഗപ്പെടുത്താന്‍ കഴിയാതെ കിടന്ന പഞ്ചായത്തിന്റെ ആസ്തിയിലുള്ള സ്ഥലത്താണ് ജനകീയ ആരോഗ്യകേന്ദ്രം പ്രവര്‍ത്തനം ആരംഭിച്ചത്. മാത്യു കുഴല്‍നാടന്‍ എം.എല്‍.എ കണ്‍സള്‍ട്ടേഷന്‍ റൂമിന്റെ ഉദ്ഘാടനം നിര്‍വഹിച്ചു. പഞ്ചായത്ത് പ്രസിഡന്റ് ജോസ് മേലേത്ത് അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ് മുഖ്യാതിഥിയായി. ബ്ലോക്ക് പഞ്ചായത്ത് പ്രസിഡന്റ് പി. എ.എം ബഷീര്‍ മുഖ്യപ്രഭാഷണവും നടത്തി. അഡ്വ. ഡീന്‍ കുര്യാക്കോസ് എം.പി, മുന്‍ ഗ്രാമപഞ്ചായത്ത് പ്രസിഡന്റ് എന്‍. എം ജോസഫ്, മെഡിക്കല്‍ ഓഫീസര്‍ ഡോ. ലിന്‍സി നൈനാന്‍ തുടങ്ങിയവര്‍ പ്രസംഗിച്ചു. ബ്ലോക്ക് – ഗ്രാമപഞ്ചായത്ത് മെമ്പര്‍മാരായ ഫിജിന അലി, സാലീ ഐപ്പ്,ആനീസ് ഫ്രാന്‍സിസ്,ജോമി തെക്കേക്കര,നിസാ മോള്‍ ഇസ്മായില്‍,ജിനു മാത്യു,മേരി തോമസ്,ഡോളി സജി, ബിസിനി ജിജോ,സജി.കെ. വര്‍ഗീസ്, സുമ ദാസ്, വില്‍സണ്‍ ഇല്ലിക്കല്‍,സാബു മാധവന്‍,ആശ ജിമ്മി,ഷാജി സി.ജോണ്‍,നിസാര്‍ പാലക്കല്‍,സാബു വര്‍ഗീസ്, അനില്‍കുമാര്‍ കെ,ഡോക്ടര്‍ സുജേഷ് മേനോന്‍ എന്നിവര്‍ പങ്കെടുത്തു.
