കോതമംഗലം : പാനിപ്ര ഗവ യു പി സ്കൂളിന്റെ 76 – മത്‌ വാര്‍ഷികം ആന്റണി ജോണ്‍ എം എല്‍ എ ഉദ്ഘാടനം നിര്‍വഹിച്ചു. ഗ്രാമപഞ്ചായത്ത്‌ പ്രസിഡന്റ്‌ മിനി ഗോപി അധ്യക്ഷത വഹിച്ചു. പഠനമികവിനുള്ള അവാര്‍ഡുകളുടെ വിതരണം കോട്ടപ്പടി പഞ്ചായത്ത്‌ വൈസ് പ്രസിഡന്റ്‌ മെറ്റീൻ മാത്യുവും ഡ്രാമ തിയറ്ററിന്റെ ഉദ്ഘാടനം പൂര്‍വാധ്യാപക സംഘടന പ്രസിഡന്റ്‌ എസ്‌ എം അലിയാരും നിര്‍വഹിച്ചു.
ചടങ്ങില്‍ ബ്ലോക്ക്‌ മെമ്പര്‍ ആശ അജിന്‍,സാറാമ്മ ജോണ്‍, ജിജി സജീവ്, നിധിന്‍ മോഹന്‍, ബിനു ഇറമ്പത്ത്‌, ടി.സി. അന്നമ്മ, ആതിര സുജിത്ത്‌ , അബു സി.പി, സിനി ആര്‍ട്ടിസ്റ്റ്‌ എബിൾ ബെന്നി തുടങ്ങിയവർ സന്നിഹിതരായിരുന്നു. സമ്മേളനാനന്തരം കുട്ടികളുടെ വൈവിധ്യമാര്‍ന്ന കലാ പരിപാടികളും ഉണ്ടായിരുന്നു.
