കുട്ടമ്പുഴ: യുവ ആർട്സ് & സ്പോർട്സ് ക്ലബ് & ലൈബ്രറിയുടെ ആഭിമുഖ്യത്തിൽ അഖില കേരള വടംവലി മത്സരവും സാംസ്കാരിക സമ്മേളനവും സംഘടിപ്പിച്ചു. ക്ലബ് പ്രസിഡന്റ് സിബി കെ എ അധ്യക്ഷത വഹിച്ച യോഗം കോതമംഗലം ബ്ലോക്ക് പഞ്ചായത്ത് പ്രസിഡന്റ് പി എ എം ബഷീർ ഉത്ഘാടനം ചെയ്തു.
കുട്ടമ്പുഴ ഗ്രാമ പഞ്ചായത്ത് പ്രസിഡന്റ് കാന്തി വെള്ളക്കയ്യൻ മുഖ്യപ്രഭാഷണം നടത്തി. പഞ്ചായത്ത് മെമ്പർ ജോഷി പൊട്ടക്കൽ, ക്ലബ് സെക്രട്ടറി ജോസഫ് രഞ്ജിത്, ബിനു പി ബി, ബിനിൽ ബേബി, ശിവൻ ആലുങ്കൽ, ജോബി തോമസ്, സജി കെ പി, ജയൻ ടി സി, ജോസഫ് മൂലൻ, ശ്യാം സജീവ്, രാഹുൽ ഗോപി, ഗോകുൽ, ജിനിൽ ജോർജ്, ആൽബിൻ ഔസേപ്പച്ചൻ, ബിനു കെ എം, എൽദോസ് എം എം, റെന്നി ജോർജ്, കുരിയാച്ചൻ വലിയകരോട്ട്, ഔസഫ് ടി വി, സിമിലേഷ് അബ്രഹാം, ബോണി കോരാക്കൻ എന്നിവർ സംസാരിച്ചു.
വിദേശികൾ ഉൾപ്പെടെ കാണികളായി എത്തിയ വാശിയേറിയ വടംവലി മത്സരത്തിൽ കിംഗ്സ് പറവൂർ ഒന്നാം സ്ഥാനവും, വിന്നേഴ്സ് ആറ്റുപുറം രണ്ടാം സ്ഥാനവും, കിംഗ്സ് പറവൂർ ജൂനിയേഴ്സ് മൂന്നാം സ്ഥാനവും, പ്രതിഭ പ്രളയക്കാട് നാലാം സ്ഥാനവും കരസ്ഥമാക്കി. ഇൻഡോ-ശ്രീലങ്ക കരാട്ടെ ചാംപ്യൻഷിപ്പിൽ സ്വർണ്ണ മെഡൽ കരസ്ഥമാക്കിയ ക്രിസ്റ്റീന റിൻസിനെ അനുമോദിച്ചു. തുടർന്ന് കൗതുക ലേലവും അരങ്ങേറി.
