കോതമംഗലം – ബ്രൌൺ ഷുഗറുമായി ഇതര സംസ്ഥാന തൊഴിലാളികൾ കോതമംഗലത്ത് എക്സൈസ് പിടിയിൽ.ഇതര സംസ്ഥാന തൊഴിലാളികളെ കേന്ദ്രീകരിച്ച് കോതമംഗലം എക്സൈസ് റേഞ്ച് ഇൻസ്പെക്ടർ സിജോ വർഗീസിൻ്റെ നേതൃത്വത്തിൽ നടത്തിയ പരിശോധനയിൽ കോതമംഗലത്ത് വിവിധ ഭാഗങ്ങളിൽ വിൽപ്പനയ്ക്കായി എത്തിച്ച വിപണിയിൽ ഒരുലക്ഷം രൂപയിലേറെ വിലമതിക്കുന്ന 18 ഗ്രാം ബ്രൌൺ ഷുഗറുമായി അസ്സാം സ്വദേശികളായ ഹഫിജ് ഉദ്ധീൻ, സഫീക്കുൽ ഇസ്ലാം എന്നിവരെ അറസ്റ്റ് ചെയ്തു.
ഇതര സംസ്ഥാന തൊഴിലാളികൾക്കിടയിൽ വർദ്ധിച്ച് വരുന്ന മയക്കുമരുന്ന് ഉപയോഗം തടയുന്നതിനായി എക്സൈസ് സംഘം പ്രത്യേക നിരീക്ഷണം നടത്തിവരികയായിരുന്നു.
പ്രിവൻ്റീവ് ഓഫീസർ ഗ്രേഡ് മാരായ സുധീർ മുഹമ്മദ്, പി ബി ലിബു, എം റ്റി ബാബു സിവിൽ എക്സൈസ് ഓഫീസർ മാരായ റസാക്ക് കെ എ സോബിൻ ജോസ് എന്നിവരും പരിശോധനയിൽ പങ്കെടുത്തു.
