പല്ലാരിമംഗലം: പല്ലാരിമംഗലം പഞ്ചായത്തിനെയും വാരപ്പെട്ടി പഞ്ചായത്തിനെയും ബന്ധിപ്പിച്ച് ഇരുപതടി വീതിയിൽ പുതിയ റോഡ് തുറക്കുന്നു. പല്ലാരിമംഗലം പന്ത്രണ്ടാം വാർഡിൽ ചെമ്പഴ ജുമാ മസ്ജിദിന് സമീപത്ത്നിന്നും ആരംഭിച്ച് വാരപ്പെട്ടി പഞ്ചായത്തിലെ വട്ടക്കുടിപീടിക പിടവൂർ കാവുംപടി റോഡിൽ വാളാടി പ്രദേശത്ത് മുറിയുന്നതാണ് നിർദിഷ്ട റോഡ്.
പല്ലാരിമംഗലം പഞ്ചായത്ത് വൈസ് പ്രസിഡന്റ് ഒ ഇ അബ്ബാസ്, വാരപ്പെട്ടി പഞ്ചായത്തംഗം കെ കെ ഹുസൈൻ, പല്ലാരിമംഗലം പഞ്ചായത്ത് മുൻ പ്രസിഡന്റ് പി കെ മൊയ്തു എന്നിവരുടെ നേതൃത്വത്തിലാണ് വഴിവെട്ടുന്നതിന് നടപടികൾ സ്വീകരിക്കുന്നത്. കെ എം ബാവുക്കുട്ടി കുഞ്ചാട്ട്, ബഷീർ വട്ടക്കുടി, ഷാജി ഈറക്കൽ, ഹസ്സൻ കുഞ്ചാട്ട്, ഉസ്മാൻ ഉള്ളിയാട്ട്, എന്നിവരാണ് റോഡിനായി സ്ഥലം വിട്ടുനൽകുന്നത്.
