പല്ലാരിമംഗലം: ഗ്രാമ പഞ്ചായത്ത് പതിനൊന്നാം വാർഡിൽ നിർമ്മിക്കുന്ന മാതൃകാ അങ്കണവാടിയുടെ ശിലാസ്ഥാപനകർമ്മം
എംഎൽഎ ആന്റണി ജോൺ നിർവ്വഹിച്ചു. പ്രസിഡന്റ് ഖദീജ മുഹമ്മദ് അദ്ധ്യക്ഷതവഹിച്ച ചടങ്ങിൽ ബ്ലോക്ക്പഞ്ചായത്ത് പ്രസിഡന്റ് പിഎഎം ബഷീർ മുഖ്യപ്രഭാഷണം നടത്തി. പഞ്ചായത്ത് വൈസ് പ്രസിഡന്റ് ഒ ഇ അബ്ബാസ്, ബ്ലോക്ക്പഞ്ചായത്തംഗം നിസാമോൾ ഇസ്മയിൽ, പഞ്ചായത്തംഗങ്ങളായ നസിയ ഷെമീർ, റിയാസ് തുരുത്തേൽ, എ എ രമണൻ, മുൻപഞ്ചായത്തംഗം എ പി മുഹമ്മദ്, എം എം ബക്കർ, കെ കെ മൈതീൻ, പി എൻ സുമംഗല, എം കെ ഗിരിജ എന്നിവർ പ്രസംഗിച്ചു. പഞ്ചായത്ത് പദ്ധതിയിൽ 7 ലക്ഷംരൂപ വകയിരുത്തി അടിവാട് തെക്കേകവലക്ക് സമീപം വാങ്ങിയ 10 സെന്റ് സ്ഥലത്ത് എംഎൽഎ ഫണ്ട് 25 ലക്ഷവും, ഗ്രാമ പഞ്ചായത്തിന്റെ 10 ലക്ഷവും, ബ്ലോക്ക്പഞ്ചായത്തിന്റെ 6 ലക്ഷം ഉൾപ്പെടെ 41ലക്ഷം രൂപയാണ് നിർമ്മാണത്തിന് വകയിരുത്തിയിട്ടുള്ളത്.
