കോതമംഗലം : നേര്യമംഗലത്തിന് സമീപം കോഴിക്കൂട്ടിൽ കയറി കോഴികളെ വിഴുങ്ങിയ പെരുമ്പാമ്പിനെ ഇന്ന് പിടികൂടി. നേര്യമംഗലം റേഞ്ചിലെ വാളറ ഫോറസ്റ്റ് സ്റ്റേഷനിലെ ഡെപ്യൂട്ടി റേഞ്ച് ഓഫീസർ സിജി മുഹമ്മദിൻ്റെ നേതൃത്വത്തിലാണ് പെരുമ്പാമ്പിനെ പിടികൂടിയത്.
പത്താംമൈൽ സിയാദിൻ്റെ വീട്ടിലെ കോഴിക്കൂട്ടിൽ കയറിയ പെരുമ്പാമ്പ് ഒരു കോഴിയെ വിഴുങ്ങുകയും മറ്റൊന്നിനെ കൊല്ലുകയും ചെയ്തു. വാളറ ഡെപ്യൂട്ടി റെയിഞ്ച് ഫോറസ്റ്റ് ഓഫീസർ സിജി മുഹമ്മദ്, BFO ദീപ്തി K രാജ്, വാച്ചർമാരായ അലിക്കുഞ്ഞ് KA, ഷൈൻ എന്നിവർ ചേർന്നു പിടികൂടിയ പെരുമ്പാമ്പിനെ സുരക്ഷിതമായി വനമേഖലയിൽ തുറന്നുവിട്ടു.
