നെല്ലിക്കുഴി : തങ്കളം നങ്ങേലിപ്പടിയിൽ ബസും കാറും കൂട്ടിയിടിച്ച് മൂന്ന് പേർക്ക് പരിക്ക്. ഇന്ന് ഉച്ചയോടെയാണ് അപകടം നടന്നത്. പെരുമ്പാവൂർ ഭാഗത്ത് നിന്ന് വന്ന ബസും എതിരെ വന്ന കാറും തമ്മിൽ നങ്ങേലിപ്പടിയിൽ കപ്പേളക്ക് സമീപം വച്ചാണ് കൂട്ടിയിടിച്ചത്. കാറിലുണ്ടായിരുന്ന രണ്ട് പേർക്കും, ബസിൽ യാത്ര ചെയ്ത ഒരാൾക്കും ചെറിയ പരിക്കുകളുണ്ട്. പരിക്കേറ്റവരെ കോതമംഗലത്ത് സ്വകാര്യ ആശുപത്രിയിൽ പ്രവേശിപ്പിച്ചു.
ഇടിയുടെ ആഘാതത്തിൽ കാറിൻ്റെ മുൻഭാഗം പൂർണമായി തകർന്നു. ബസിൻ്റെ വലതു വശത്ത് കേടുപാടുകൾ സംഭവിച്ചിട്ടുണ്ട്. കോതമംഗലം പോലീസ് അപകടസ്ഥലത്തെത്തി തുടർ നടപടികൾ സ്വീകരിച്ചു.
