കോതമംഗലം ; നെല്ലിക്കുഴി ദയബഡ്സ് സ്പെഷ്യല്‍ സ്ക്കൂളില്‍ കുടുബ ശ്രിയുടെ ഓണപുലരി 2021ജില്ലാകലോത്സവത്തില്‍ വിജയികളായ കുട്ടികള്‍ക്ക് അവര്‍ഡ് വിതരണവും രക്ഷകര്‍ത്താ ബോധവല്‍ക്കരണ ക്ലാസും സംഘടിപ്പിച്ചു. കുടുംബശ്രി നടത്തിയ ഓണപുലരി 2021 ജില്ലാകലോത്സവത്തില്‍ 5 ഇനങ്ങളില്‍ ഒന്നാം സ്ഥാനം നേടികൊണ്ട് ജില്ലയില്‍ തന്നെ ഏറ്റവും മികച്ച സ്ക്കൂളായി ദയ ബഡ്സ് സ്പെഷ്യല്‍ സ്ക്കൂള്‍ മാറിയിരുന്നു. കോവിഡ് അവധിക്ക് ശേഷം വീണ്ടും സ്ക്കൂളുകള്‍ തുറക്കുന്നതിന് മുന്നോടിയായാണ് ഇന്ന് സ്ക്കൂളില്‍ ചടങ്ങ് സംഘടിപ്പിച്ചത്.
നെല്ലിക്കുഴി ഗ്രാമപഞ്ചായത്ത് പ്രസിഡന്റ് പി എം മജീദ് ചടങ്ങ് ഉദ്ഘാടനം ചെയ്തു കൊണ്ട് ജില്ലാ വിജയികളായ കുട്ടികള്‍ക്ക് അവാര്‍ഡ് വിതരണം ചെയ്തു. വാര്‍ഡ് മെമ്പര്‍ ഷാഹിദ ഷംസുദ്ദീന്‍ അധ്യക്ഷയായി. വിദ്യഭ്യാസ ആരോഗ്യ സ്റ്റാന്‍റിങ് കമ്മിറ്റി ചെയര്‍മാന്‍ എന്‍.പി ജമാല്‍ ,ക്ഷേമകാര്യ സ്റ്റാന്‍റിങ് കമ്മിറ്റി ചെയര്‍ പേഴ്സണ്‍ മൃദുല ജനാര്‍ദ്ദനന്‍ ,പ്രധാന അധ്യാപിക മിനി സജീവ് ,സി ഡി എസ് ചെയര്‍ പേഴ്സണ്‍ ഐഷ അലി,പിടിഎ പ്രസിഡന്റ് അമ്പിളി ശശാങ്കന്‍ തുടങ്ങിയവര്‍ സംസാരിച്ചു. ജില്ലാമിഷന്‍ കൗണ്‍സിലര്‍ രജിത രക്ഷകര്‍ത്താ ബോധവല്‍ക്കരണ ക്ലാസിന് നേതൃത്വം നല്‍കി.
