കോതമംഗലം : കോതമംഗലത്ത് ആധുനീക ക്രിമറ്റോറിയത്തിന്റെ വർക്ക് ടെൻഡർ ചെയ്തതായി മന്ത്രി എം ബി രാജേഷ് നിയമസഭയിൽ അറിയിച്ചു. ആന്റണി ജോൺ എം എൽ എ യുടെ നിയമ സഭ ചോദ്യത്തിന് മറുപടിയായി ട്ടാണ് മന്ത്രി ഇക്കാര്യം സഭയിൽ വ്യക്തമാക്കിയത്.കോതമംഗലം നഗരസഭ പരിധിയിൽ കിഫ്ബി ഫണ്ട് ഉപയോഗിച്ചുകൊണ്ട് നിർമ്മിക്കാൻ ഉദ്ദേശിക്കുന്ന മോഡേൺ ക്രിമറ്റോറിയയുമായി ബന്ധപ്പെട്ട് നിലവിലെ സ്ഥിതിയെ സംബന്ധിച്ചും സാങ്കേതിക തടസ്സങ്ങൾ നീക്കി നിർമ്മാണം വേഗത്തിൽ ആരംഭിക്കുന്നതിനെ സംബന്ധിച്ചും എം എൽ എ നിയമസഭയുടെ ശ്രദ്ധയിൽപ്പെടുത്തി.
ആധുനീക വാതക ശ്മശാനത്തിന്റെ നിർമ്മാണത്തിനായി 4. 25 കോടി രൂപയുടെ ഭരണാനുമതി ലഭിച്ചിരുന്നു.
കോതമംഗലം നഗരസഭാ പരിധിയില് കിഫ്ബി ഫണ്ട് ഉപയോഗിച്ചുകൊണ്ട് നിര്മ്മിക്കാന് ഉദ്ദേശിച്ചിട്ടുള്ള ആധുനിക വാതക ശ്മശാനം പദ്ധതിക്ക് സാങ്കേതികാനുമതി ലഭ്യമാക്കി ടെണ്ടര് ചെയ്തിട്ടുണ്ട്.ടെണ്ടര് നടപടികള് പൂര്ത്തീകരിക്കുന്ന മുറയ്ക്ക് നിര്മ്മാണ പ്രവൃത്തികള് ആരംഭിക്കുവാന് സാധിക്കുന്നതാണെന്ന് മന്ത്രി എം ബി രാജേഷ് നിയമസഭയിൽ അറിയിച്ചു.
