കോതമംഗലം: സെന്റ് അഗസ്റ്റിൻസ് ഗേൾസ് ഹയർ സെക്കൻഡറി സ്കൂളിൽ വിപുലമായ പരിപാടികളോടെ ഓണാഘോഷം നടത്ത പ്പെട്ടു.ഓണപ്പൂക്കളം, ഓണ മത്സരങ്ങൾ, ഓണക്കളികൾ എന്നിവയെല്ലാം ചേർന്ന ഓണാഘോഷം,
സ്കൂൾ പാർലമെന്റ് അംഗങ്ങളായി തിരഞ്ഞെടുക്കപ്പെട്ട വിദ്യാർത്ഥികളുടെ സത്യപ്രതിജ്ഞ ചടങ്ങ്, സ്കൂൾ പിടിഎ അംഗങ്ങളുടെ നേതൃത്വത്തിൽ അധ്യാപകരെ ആദരിക്കുന്ന ചടങ്ങ് എന്നീ സംയുക്തപരിപാടികൾ ആന്റണി ജോൺ എംഎൽഎ ഉദ്ഘാടനം ചെയ്തു. സ്കൂൾ ചെയർപേഴ്സൺ കുമാരി ആൻ തെരേസ് സിജു , സ്കൂൾ ലീഡർ കുമാരി ദേവനന്ദ സുരേഷ്, എന്നിവരുടെ നേതൃത്വത്തിൽ രൂപീകൃതമായ സ്കൂൾ പാർലമെന്റ് അംഗങ്ങളാണ് എംഎൽഎയുടെ സാന്നിധ്യത്തിൽ സത്യപ്രതിജ്ഞ ചെയ്ത് തങ്ങളുടെ ഉത്തരവാദിത്വങ്ങൾ ഏറ്റെടുത്തത്.
തുടർന്ന്, പിടിഎ പ്രസിഡണ്ട് സോണി മാത്യു, പി ടി എ വൈസ് പ്രസിഡന്റ് സിജു ലൂക്കോസ്, എം പി ടി എ പ്രസിഡന്റ് ജിപ്സി അലക്സ്, പിടിഎ എക്സിക്യൂട്ടീവ് അംഗങ്ങൾ, എന്നിവരുടെ നേതൃത്വത്തിൽ സ്കൂൾ പ്രിൻസിപ്പൽ സിസ്റ്റർ ലിസ് മരിയ, ഹെഡ്മിസ്ട്രസ് സിസ്റ്റർ റിനി മരിയ, മറ്റ് അധ്യാപകർ എന്നിവരെ ആദരിക്കുന്ന ചടങ്ങും ഒരുക്കിയിരുന്നു .ലോക്കൽ മാനേജർ സിസ്റ്റർ കരോളിൻ അധ്യക്ഷത വഹിച്ചു . വാർഡ് കൗൺസിലർ കെ.വി തോമസ്, പിടിഎ പ്രസിഡണ്ട് സോണി മാത്യു, എന്നിവർ ആശംസകൾ അർപ്പിക്കുകയും, വിവിധ മത്സരങ്ങളിൽ വിജയികളായ വിദ്യാർത്ഥികൾക്കുള്ള സമ്മാനവിതരണം നടത്തുകയും ചെയ്തു. പിടിഎ എക്സിക്യൂട്ടീവ് അംഗങ്ങളുടെ നേതൃത്വത്തിലാണ് ഇന്നത്തെ ആഘോഷ പരിപാടികൾ എല്ലാം ഒരുക്കപ്പെട്ടത്.
