കോതമംഗലം മാർ ബേസിൽ സ്പോർട്സ് അക്കാദമിയുടെ ആഭിമുഖ്യത്തിൽ നടക്കുന്ന
വർണ്ണ കൂട്ടം 2K24 തുടക്കമായി.സ്പോർട്സ് അക്കാദമിയുടെ ആഭിമുഖ്യത്തിൽ നടക്കുന്ന വർണ്ണക്കൂട്ടം 2K24 സപ്തദിന ക്യാമ്പ് മുൻ പ്രിൻസിപ്പൽ ജോർജ് മാത്യു ഉദ്ഘാടനം ചെയ്തു. സ്കൂൾ മാനേജർ ജോർജ് കൂർപ്പിള്ളി അദ്ധ്യക്ഷത വഹിച്ചു.
സ്കൂൾ ഹെഡ്മിസ്ട്രസ് ബിന്ദു വർഗീസ്, സ്പോർട്സ് അക്കാദമി ചെയർമാൻ ബിനോയ് മണ്ണഞ്ചേരി , സെക്രട്ടറി
സി എ ജോസ് , പിടിഎ പ്രസിഡണ്ട് സനീഷ് എ എസ് , സിജു തോമസ് ,
ഷാമി ചെറിയാൻ എന്നിവർ സംസാരിച്ചു.
മെയ് 2 മുതൽ 10 വരെ നടക്കുന്ന ക്യാമ്പിൽ ഫുട്ബോൾ , കരാട്ടെ , ചെസ്സ് , സ്പോക്കൺ ഇംഗ്ലീഷ് ,ഭാഷാ ശില്പശാല , ഗണിതം മധുരം , ചിത്രരചന , സംഗീതം , നൃത്തം , പ്രവൃത്തിപരിചയം എന്നിങ്ങനെ വിവിധ മേഖലകളിൽ പരിശീലനം നൽകുന്നു. കുട്ടികളുടെ അഭിരുചി കണ്ടെത്താനും തുടർ പരിശീലനത്തിനും അവസരം ഉണ്ടാക്കുകയാണ് ക്യാമ്പിന്റെ ലക്ഷ്യം.
