കോതമംഗലം :മനുഷ്യൻ അവന്റെ ആയുസ്സിൽ ഒരു പുസ്തകമെങ്കിലും രചിക്കണമെന്ന് പ്രശസ്ത എഴുത്തുകാരനും, പത്രപ്രവർത്തകനുമായ അജയ് പി മങ്ങാട്ട്. കോതമംഗലം മാർ അത്തനേഷ്യസ് കോളേജിലെ ഇംഗ്ലീഷ് വിഭാഗത്തിന്റെ വായനാവാരത്തിന് തുടക്കം കുറിച്ചുകൊണ്ട് മുഖ്യപ്രഭാഷണം നടത്തുകയായിരുന്നു അദ്ദേഹം . ഗ്രന്ഥശാലകൾ എഴുത്തിനെ പരുവപ്പെടുത്തുന്നത് എങ്ങനെയെന്നും ഒരു മികച്ച വായനക്കാരൻ ആകേണ്ടത് എങ്ങനെയെന്നും അദ്ദേഹം വിശദീകരിച്ചു .
കോളേജ് പ്രിൻസിപ്പൽ ഡോ.മഞ്ജു കുര്യൻ അധ്യക്ഷത വഹിച്ചു . വകുപ്പ് മേധാവി ഡോ. അൽഫോൻസാ സി. എ പരിപാടികൾക്ക് നേതൃത്വം കൊടുത്തു.
