കോതമംഗലം : 2023 – 24 അധ്യയന വർഷത്തിലെ ഐ സി എസ് ഇ പത്ത് , പന്ത്രണ്ട് ക്ലാസ് പരീക്ഷകളിൽ എം. എ ഇന്റർനാഷണൽ സ്കൂളിന് 100 % വിജയം. പത്താം ക്ലാസിൽ 99 % മാർക്ക് നേടി എറിക് മിലൻ ഒന്നാം സ്ഥാനം കരസ്ഥമാക്കിയപ്പോൾ, പന്ത്രണ്ടാം ക്ലാസ്സ് സയൻസ് സ്ട്രീമിൽ 98.25 % മാർക്ക് നേടി നയനാ ഷാജി മേക്കുന്നേലും, കൊമേഴ്സ് സ്ട്രീമിൽ 88.25% മാർക്ക് നേടി നേഹ മാർട്ടിനും ഒന്നാമതെത്തി.
പത്താം ക്ലാസിൽ എറിൻ മരിയാ ബോബിൻ (98.6 %), ഹന്നാ സുശീൽ (97.2 % )എന്നിവരാണ് രണ്ടും, മൂന്നും സ്ഥാനങ്ങളിൽ .30 കുട്ടികൾ പരീക്ഷ എഴുതിയതിൽ 13 കുട്ടികൾ 90% മാർക്കിനു മുകളിൽ നേടിയതുൾപ്പെടെ 24 കുട്ടികൾ ഡിസ്റ്റിങ്ഷനും 6 കുട്ടികൾ ഫസ്റ്റ്ക്ലാസും കരസ്ഥമാക്കി. പന്ത്രണ്ടാം ക്ലാസിൽ സയൻസ് സ്ട്രീമിൽ ജോഷ്ബി ബിന്നി (98 %), ഹെലൻ എൽദോ (96.75 %) എന്നിവരാണ് രണ്ടും മൂന്നും സ്ഥാനങ്ങളിൽ . 23 കുട്ടികൾ പരീക്ഷ എഴുതിയതിൽ 9 പേർ 90% മാർക്കിനു മുകളിൽ നേടിയതുൾപ്പെടെ 20 കുട്ടികൾ ഡിസ്റ്റിങ്ഷനും 3 കുട്ടികൾ ഫസ്റ്റ്ക്ലാസും കരസ്ഥമാക്കിയപ്പോൾ കൊമേഴ്സ് സ്ട്രീമിൽ 7 കുട്ടികൾ പരീക്ഷ എഴുതിയതിൽ 5 പേർ ഡിസ്റ്റിങ്ഷനും 2 കുട്ടികൾ ഫസ്റ്റ്ക്ലാസും കരസ്ഥമാക്കി. വിജയികളെ സ്കൂൾ മാനേജ്മെന്റും പ്രിൻസിപ്പലും അധ്യാപകരും രക്ഷാകർത്താക്കളും അഭിനന്ദിച്ചു.
