ഓണാഘോഷത്തിന് മെഗാ തിരുവാതിരയൊരുക്കി എം എ ഇന്റര്‍നാഷണല്‍ സ്‌കൂള്‍

കോതമംഗലം: കോതമംഗലം എം.എ ഇന്റര്‍നാഷണല്‍ സ്‌കൂളിന്റെ ഓണാഘോഷം മെഗാ തിരുവാതിരയാല്‍ ഏറെ ആകര്‍ഷകമായി. എഴുപതോളം കുട്ടികളാണ് സ്‌കൂള്‍ മുറ്റത്ത് അവതരിപ്പിച്ച തിരുവാതിരകളിയില്‍ പങ്കെടുത്തത്. സ്‌കൂളിലെ നൃത്ത അദ്ധ്യാപിക എന്‍.രേഷ്മയുടെ പരിശീലനത്തിലാണ് വിദ്യാര്‍ത്ഥികള്‍ തിരുവാതിര അവതരിപ്പിച്ചത്. കൂടാതെ ഓണക്കളികള്‍, ഓണപ്പൂക്കളം , ഓണസദ്യ, വടംവലി, ഉറിയറി മാവേലിത്തമ്പുരാന്റെ വരവ് ഇവയെല്ലാം ഓണാഘോഷത്തിന്റെ മാറ്റ് കൂട്ടി.