കോതമംഗലം : കാല്പന്ത് കളിയിൽ വിജയക്കൊടി പാറിക്കാൻ എം. എ കോളേജ് താരം അജത്.കഴിഞ്ഞ മൂന്നു വർഷക്കാലം കേരള പ്രീമിയർ ലീഗിലും, കൊൽക്കത്ത പ്രീമിയർ ലീഗിലും സ്ഥിര സാന്നിധ്യമായിരുന്ന കോതമംഗലം മാർ അത്തനേഷ്യസ് കോളേജിലെ, എം.എ ഇക്കണോമിക്സ് ഒന്നാംവർഷ വിദ്യാർത്ഥി അജത് ഷഹീം ഈസ്റ്റ് ബംഗാൾ എഫ്സിയിൽ രണ്ടുവർഷത്തെ കരാർ ഒപ്പിട്ടു. വയനാട് കൽപ്പറ്റ സ്വദേശിയായ താരം എം. എ കോളേജിൽ നിന്നു തന്നെയാണ് തന്റെ ബിരുദപഠനം പൂർത്തിയാക്കിയത്.
കേരള പ്രീമിയർ ലീഗിൽ എം എ ഫുട്ബോൾ അക്കാദമിക്കും, ഗോൾഡൻ ത്രഡ് എഫ് സിക്കുംവേണ്ടി താരം കളിച്ചിട്ടുണ്ട്. 2022ൽ നടന്ന ബി ഡിവിഷൻ നാഷണൽ ലീഗിലും അജത് ബൂട്ടണഞ്ഞിരുന്നു. കളിയിൽ മാത്രമല്ല പഠനത്തിലും മികച്ച വിദ്യാർത്ഥിയാണ് അജത്. ഈ കാലയളവിൽ ഈസ്റ്റ് ബംഗാൾ എഫ്സിയിൽ എം. എ കോളേജിൽ നിന്നും ഇടം നേടുന്ന മൂന്നാമത്തെ താരമാണ് അജത്. എം. എ കോളേജ് അസോസിയേഷൻ സെക്രട്ടറി ഡോ. വിന്നി വറുഗീസ്, പ്രിൻസിപ്പൽ ഡോ.മഞ്ജു കുര്യൻ, കായിക വകുപ്പ് മേധാവി പ്രൊഫ. ഹാരി ബെന്നി, അർച്ചന ഷാജി എന്നിവർ താരത്തിന് ആശംസകൾ നേർന്നു .
