കോതമംഗലം: കോതമംഗലം മാർ അത്തനേഷ്യസ് കോളേജിൽ സോഷ്യോളജി അസോസിയേഷൻ ദിനാഘോഷം നടന്നു. കോളേജ് പ്രിൻസിപ്പൽ ഡോ. മഞ്ജു കുര്യൻ ചടങ്ങ് ഉദ്ഘാടനം ചെയ്തു. വകുപ്പ് മേധാവി ഡോ. ഡയാന മാത്യൂസ് അധ്യക്ഷത വഹിച്ചു. കഴിഞ്ഞ അധ്യയന വർഷത്തിലെ സോഷ്യോളജി വകുപ്പിന്റെ പ്രധാന പ്രവർത്തനങ്ങളെക്കുറിച്ച് തന്റെ അധ്യക്ഷ പ്രസംഗത്തിൽ വകുപ്പ് മേധാവി സംസാരിച്ചു.
തേവര സേക്രഡ് ഹാർട്ട് കോളേജ് വൈസ് പ്രിൻസിപ്പൽ പ്രൊഫ. ബെന്നി പി. വർഗീസ് ചടങ്ങിൽ മുഖ്യ അതിഥിയായിരുന്നു. സോഷ്യോളജി വിദ്യാർത്ഥികളുടെ കലാസൃഷ്ടികൾ കോർത്തിണക്കിയ വകുപ്പുതല മാഗസിൻ, ‘ദി മിറർ’ അദ്ദേഹം പ്രകാശനം ചെയ്തു. ചടങ്ങിൽ വിദ്യാർത്ഥികളുടെ കലാ-സാംസ്കാരിക പരിപാടികളും അരങ്ങേറി. അദ്ധ്യാപികമാരായ അഖില ജോൺസൺ, ഡിംപിൾ ടി ബൈജു എന്നിവർ നേതൃത്വം കൊടുത്തു.
