കോതമംഗലം : കോതമംഗലം മാർ അത്തനേഷ്യസ് കോളേജിൽ ബി ഐ എസ് സ്റ്റാൻഡേർഡ് ക്ലബിന്റെ ഉദ്ഘാടനം നടന്നു.കൊച്ചി ബ്യുറോ ഓഫ് സ്റ്റാൻഡേർഡ് പ്രൊമോഷൻ ഓഫീസർ ബെൻ ജോസഫ് ഉദ്ഘാടനം നിർവഹിച്ചു. കോളേജ് പ്രിൻസിപ്പൽ ഡോ. മഞ്ജു കുര്യൻ ചടങ്ങിൽ അധ്യക്ഷത വഹിച്ചു. ബ്യുറോ ഓഫ് ഇന്ത്യൻ സ്റ്റാൻഡേർഡ്സും,എം. എ. കോളേജും സംയുക്തമായി ക്ലബ്ബ് അംഗങ്ങൾക്ക് ഓറിയന്റെഷൻ ക്ലാസ്സും, സ്റ്റാൻഡേർഡ് എഴുത്തു മത്സരവും സംഘടിപ്പിച്ചു.
ഗുണനിലവാരം, മാനദണ്ഡങ്ങൾ, എന്നിവയുടെ പ്രാധാന്യം വിദ്യാർത്ഥികളെ മനസ്സിലാക്കാനും,സാമൂഹിക അവബോധം മെച്ചപ്പെടുത്തുകയുമാണ് ക്ലബ്ബിന്റെ ഉദ്ദേശം. വിദ്യാഭ്യാസ സ്ഥാപനങ്ങളിൽ
അധ്യാപകരും, വിദ്യാർത്ഥികളും അംഗങ്ങളായ സ്റ്റാൻഡേർഡ് ക്ലബ്ബുകൾ രൂപീകരിക്കുന്നതിന് ബിഐഎസ് മുൻകൈയെടുക്കുന്നു .
സ്റ്റാൻഡേർഡ് റൈറ്റിംഗ്, ക്വിസ് മത്സരങ്ങൾ, ഉപന്യാസ രചന, പോസ്റ്റർ നിർമ്മാണം തുടങ്ങിയ പ്രവർത്തനങ്ങളിലൂടെ ഗുണനിലവാരവും സ്റ്റാൻഡേർഡൈസേഷൻ ആശയങ്ങളും വിദ്യാർത്ഥികളെ പരിചയപ്പെടുത്തുകയാണ് ലക്ഷ്യം .
ക്ലബ്ബ് കോർഡിനേറ്റർ ഡോ. ജ്യോതി പി ആർ, വിദ്യാർത്ഥികളായ ആയുഷ് പി അശോക്,ദിയ മരിയ ആന്റണി എന്നിവർ നേതൃത്വം നൽകി.
