എറണാകുളം ജില്ലയിൽ ടിമ്പർ മേഖലയിലെ ലോഡിങ് കൂലി ഏകീകരിക്കണമെന്ന് കേരള സ്റ്റേറ്റ് ടിമ്പർ മർച്ചൻസ് അസോസിയേഷൻ കോതമംഗലം താലൂക്ക് കമ്മിറ്റി ആവശ്യപ്പെട്ടു. കോതമംഗലത്ത് ചേർന്ന ടിമ്പർ മർച്ചൻറ് അസോസിയേഷൻ താലൂക്ക് ജനറൽബോഡി യോഗം ജില്ലാ പ്രസിഡണ്ട് ശിഹാബ് കടവൂർ ഉദ്ഘാടനം ചെയ്തു. ടിമ്പർ മേഖല വലിയ പ്രതിസന്ധി നേരിട്ടുകൊണ്ടിരിക്കുന്ന സാഹചര്യത്തിൽ ലോഡിംഗ് മേഖലയിലെ കൂലി ഏകീകരിക്കാൻ സർക്കാർ മുൻകൈ എടുക്കണമെന്ന് അദ്ദ്ദേഹം ആവശ്യപ്പെട്ടു. ചില പ്രദേശങ്ങളിൽ അന്യായമായ കൂലി നിലനിൽക്കുന്നതിനാൽ മരവ്യാപാര മേഖല തകർച്ചയെ നേരിട്ടുകൊണ്ടിരിക്കുകയാണെന്നും യോഗം വിലയിരുത്തി.
താലൂക്ക് പ്രസിഡണ്ട് ടോമി ജോസഫ് അധ്യക്ഷനായി .
കേരള സ്റ്റേറ്റ് ഡിംബർ അസോസിയേഷൻ വയനാട് ദുരിതാശ്വാസ ഫണ്ടിലേക്ക് കോതമംഗലം മേഖലയുടെ വിഹിതം മത്തായി ആനിക്കശ്ശേരി ജില്ലാ പ്രസിഡൻറിന് കൈമാറി.
സംസ്ഥാന കമ്മിറ്റി അംഗം കെ ജി സത്യൻ മുഖ്യപ്രഭാഷണം നടത്തി. എറണാകുളം ജില്ലാ സെക്രട്ടറി കെ കെ മോഹനൻ മുഖ്യാതിഥിയായി.
താലൂക്ക് സെക്രട്ടറി മിഘോഷ് മാത്യു, ജോർജ് ആന്റണി , കാസിം ഊന്നുകല്ല് , മത്തായി അനിക്കശ്ശേരി ,കെ എ ജോളി, ബെന്നി ആനിത്തോട്ടം എന്നിവർ പ്രസംഗിച്ചു.
