കോതമംഗലം: കോട്ടപ്പടി കുളങ്ങാട്ടുകുഴിയില്‍ ജനവാസമേഖലയിൽ കാട്ടാനക്കൂട്ടമിറങ്ങി കൃഷി നാശം വരുത്തി.
കുളങ്ങാട്ടുകുഴിയില്‍ സെന്റ് ജോര്‍ജ് യാക്കോബായ പള്ളിക്ക് സമീപത്താണ് ആനക്കൂട്ടം കാടുവിട്ട് പുറത്തിറങ്ങി നാശം വിതച്ചത്.വിവിധ കൃഷിയിടങ്ങളില്‍ കാര്‍ഷീകവിളകള്‍ നശിപ്പിച്ചു.കൊറ്റാലില്‍ തങ്കച്ചന്റെ പറമ്പില്‍ പൈനാപ്പിളും വാഴകളും നശിപ്പിച്ചു .കോട്ടപ്പാറ വനമേഖലയോട് ചേര്‍ന്നുള്ള പ്രദേശത്താണ് ആനശല്യം.
ദിവസങ്ങള്‍ക്ക് മുമ്പ് ആന കിണറില്‍വീണ കോട്ടപ്പടി മുട്ടത്തുപാറക്ക സമീപത്താണ് ആനക്കൂട്ടം ജനവാസമേഖലയിലെത്തിയത്.അന്നത്തെ ആനക്കൂട്ടം തന്നെയാകാം ഇതെന്ന് നാട്ടുകാര്‍ സംശയിക്കുന്നു.വേട്ടാമ്പാറ ഭാഗത്തും ആനകള്‍ ജനവാസമേഖലയില്‍ ശല്യമുണ്ടാക്കിയിട്ടുണ്ട്.പ്ലാന്റേഷനില്‍ ജനവാസമേഖലകളോടടുത്തുതന്നെയാണ് ആനക്കൂട്ടങ്ങള്‍ നിലയുറപ്പിച്ചിട്ടുള്ളത്.
