കോതമംഗലം : അമ്പത് വർഷത്തെ ദാമ്പത്യത്തിനൊടുവിൽ ഒരുമിച്ച് അന്ത്യയാത്ര. മലയിൻകീഴ് വേങ്ങൂരാൻ വി.വി. മാത്യു (85)വും ഭാര്യ റോസിലി (72)യും മരിച്ചത് അടുത്തടുത്ത ദിവസങ്ങളിൽ. ഇരുവരുടെയും സംസ്കാരം ഇന്ന് രണ്ടുമണിക്ക് കോതമംഗലം സെന്റ് ജോർജ് കത്തീഡ്രലിൽ നടന്നു. ചൊവ്വാഴ്ച പുലർച്ചെയാണു റോസിലി നിര്യാതയായത്. ബുധനാഴ്ച പുലർച്ചെ മാത്യുവും മരണമടഞ്ഞു. വാർധക്യസഹജമായ അസുഖങ്ങളെത്തുടർന്നു ഇരുവരും കോതമംഗലത്ത് ആശുപത്രിയിൽ ചികിത്സയിലായിരുന്നു.
ഇവരുടെ അമ്പതാം വിവാഹ വാർഷികം ഇക്കൊല്ലമാണ് ആഘോഷിച്ചത്. റോസിലി ശ്രീമൂലനഗരം എടനാട് പുതുശേരി കുടുംബാംഗമാണ്. മക്കൾ: മാജോ മാത്യു (റേഷൻ ഡീലേഴ്സ് അസോ, ജില്ലാ വൈസ് പ്രസിഡന്റ്, കോൺഗ്രസ് നിയോജക മണ്ഡലം ട്രഷറർ), ലിജോ മാത്യു (മസ്കറ്റ്), റിജോ മാത്യു (സോക്രട്ടീസ് (ബിസിനസ്).
