കോതമംഗലം: നവംബർ 11, 12 13, 14 തീയതികളിലായി കോട്ടപ്പടി മാർ ഏലിയാസ് ഹയർ സെക്കൻഡറി സ്കൂളിൽ നടന്ന കോതമംഗലം ഉപജില്ല കലോത്സവം കൊടിയിറങ്ങുമ്പോൾ,. 591 പോയിന്റ് നേടി കോതമംഗലം സെന്റ് അഗസ്റ്റിൻസ് ഗേൾസ് ഹയർ സെക്കൻഡറി സ്കൂൾ, കലോത്സവത്തിലെ ഏറ്റവും ആകർഷകമായ, ചാമ്പ്യൻഷിപ്പ് ട്രോഫി കരസ്ഥമാക്കി. ഹൈസ്കൂൾ വിഭാഗത്തിൽ ഓവറോൾ,ഹയർസെക്കൻഡറി വിഭാഗത്തിൽ ഓവറോൾ സെക്കൻഡ്, യുപി വിഭാഗത്തിൽ ഓവറോൾ തേർഡ് ട്രോഫികളും സെന്റ് അഗസ്റ്റിൻസ് നേടിയെടുത്തു.
സ്കൂൾ പ്രിൻസിപ്പൽ സിസ്റ്റർ ലിസ് മരിയ, ഹെഡ്മിസ്ട്രസ് സിസ്റ്റർ റിനി മരിയ, പിടിഎ പ്രസിഡണ്ട് സോണി മാത്യു പാമ്പയ്ക്കൽ, പിടിഎ എക്സിക്യൂട്ടീവ് അംഗങ്ങൾ, അധ്യാപക- അനധ്യാപകർ, വിദ്യാർത്ഥിനികൾ എല്ലാവരും ചേർന്ന് , കോതമംഗലം എംഎൽഎ, ശ്രീ.ആന്റണി ജോണിൽ നിന്നും ട്രോഫികൾ ഏറ്റുവാങ്ങി. കലോത്സവത്തിന്റെ മുഖ്യ സംഘാടകനും കോതമംഗലം ഉപജില്ലാ വിദ്യാഭ്യാസ ഓഫീസറുമായ ശ്രീ.സജീവ് കെ.ബി അഭിനന്ദനങ്ങൾ നേരുകയും സർട്ടിഫിക്കറ്റുകൾ വിതരണം ചെയ്യുകയും ചെയ്തു.
