കോതമംഗലം: പുരോഗമന കലാസാഹിത്യസംഘം കോതമംഗലം മേഖല കമ്മിറ്റിയുടെ നേതൃത്വത്തിൽ അന്ധവിശ്വാസങ്ങൾക്കും അനാചാരങ്ങൾക്കും എതിരെ പ്രതിഷേധ സംഗമം സംഘടിപ്പിച്ചു. കാലടി സംസ്കൃത സർവകലാശാല മുൻ രജിസ്ട്രാറും സാഹിത്യകാരനുമായ ഡോ. ജേക്കബ്ബ് ഇട്ടൂപ്പ് പ്രതിഷേധ സംഗമം ഉദ്ഘാടനം ചെയ്തു.
മേഖലാ പ്രസിഡന്റ് സി കെ വിദ്യാസാഗർ അധ്യക്ഷത വഹിച്ചു. മേഖലാ സെക്രട്ടറി എൻ ആർ രാജേഷ് സ്വാഗതം പറഞ്ഞു. കെ എ ജോയ്, ജില്ലാ കമ്മിറ്റിയംഗം ജസിൽ തോട്ടത്തിക്കുളം തുടങ്ങിയവർ സംസാരിച്ചു. കെ പി മോഹനൻ, പീറ്റർ പാലക്കുഴി, കെ കെ സുകു, എം എം കുഞ്ഞു മീതിയൻ, എസ് എം അലിയാർ, ഇ എൻ മോഹനൻ, ജോണി സി എസ്, സജി മാടവന തുടങ്ങിയവർ പങ്കെടുത്തു.
