കോതമംഗലം : പ്രസ് ക്ലബ്ബിന്റെ നേതൃത്വത്തിൽ
വായനാ ദിനാചരണവും സർക്കാർ സ്കൂളുകളിലെ ലൈബ്രറി കൾക്ക് പുസ്തക വിതരണവും നടത്തി. കോഴിപ്പിള്ളി സർക്കാർ സ്കൂളിൽ നടന്ന വായനാ ദിനാചരണവും പുസ്തക വിതരണവും കോതമംഗലം എം എൽ എ ആന്റണി ജോൺ ഉത്ഘാടനം ചെയ്തു.
പ്രസ് ക്ലബ്ബ് പ്രസിഡന്റ് സോണി നെല്ലിയാനി അധ്യക്ഷത വഹിച്ചു. മുൻ പ്രസ് ക്ലബ്ബ് പ്രസിഡന്റ് ജോഷി അറക്കൽ ആമുഖം പ്രഭാഷണം നടത്തി. പ്രസ് ക്ലബ് അംഗവും എഴുത്തുകാരനുമായ കെ.പി. കുരിയാക്കോസ് എഴുതി പുസ്തകങ്ങൾ ചടങ്ങിൽ സ്കൂളിന് കൈമാറി.
വാരപ്പെട്ടി പഞ്ചായത്ത് വൈ.പ്രസിഡന്റ് ബിന്ദു ശശി,
ബ്ലോക്ക് പഞ്ചായത്ത് അംഗം ഡയാന നോബി, പഞ്ചായത്ത് അംഗം കെ.കെ. ഹുസൈൻ, പ്രസ് ക്ലബ്ബ് സെക്രട്ടറി ലെത്തീഫ് കുഞ്ചാട്ട്, ട്രഷറർ ദീപു ശാന്താറാം, സ്കൂൾ എച്ച്.എം. ഫ്രാൻസീസ് ജെ പുന്നോലിൽ, പി റ്റി എ പ്രസിഡന്റ് എൻ.വി. ബിനോയ്, എം പി റ്റി എ പ്രസിഡന്റ് സജിത രാജന്ദ്രൻ , സ്കൂൾ അദ്ധ്യാപകരായ ശ്രുതി കെ.എൻ., അബിളി എൻ , ജൻസാ ഖാദർ സംസാരിച്ചു.
