കോതമംഗലം: കോഴിപ്പിള്ളി ശോഭന സ്കൂളിന് സമീപം പെണ്കുട്ടിയെ കടന്നു പിടിച്ചയാളെ പിടികൂടി. വെള്ളിയാഴ്ചയായിരുന്നു സംഭവം. ശോഭന സ്കൂളിന് സമീപമുള്ള വഴിയിലൂടെ വീട്ടിലേക്ക് പോയ പെണ്കുട്ടിയെ കടന്നു പിടിക്കുകയായിരുന്നു പ്രതി. കോതമംഗലം അമ്പലപ്പറമ്പ് വാട്ടർ ടാങ്കിന് സമീപം താമസിക്കുന്ന കാച്ചപ്പിള്ളി വീട്ടിൽ വർഗീസിന്റെ മകൻ സാബുവാണ്(44) അറസ്റ്റിലായത്. പരാതിക്കാരിയായ പെണ്കുട്ടി കോതമംഗലം ഇൻസ്പെക്ടർക്ക് വാട്സാപ്പ് മുഖേന പരാതി നൽകിയതിനെ തുടർന്നാണ് അറസ്റ്റ്. എസ് ഐ ശ്യാംകുമാർ, എ എസ് ഐ നിജു ഭാസ്കർ, സി പി ഓ ആസാദ് എന്നിവരാണ് പ്രതിയെ പിടികൂടിയത്.
