കോതമംഗലം : പ്രധാനമന്ത്രി നരേന്ദ്രമോഡിയുടെ എഴുപത്തിയൊന്നാം ജന്മ ദിന ആഘോഷങ്ങൾക്ക് മണ്ഡലത്തിൽ തുടക്കം കുറിച്ചു കൊണ്ട് കോതമംഗലം ഗാന്ധി സ്ക്യയറിൽ സ്ഥാപിച്ച ഗാന്ധിയുടെ അർദ്ധകായ പ്രതിമയിൽ മല ഇട്ട ശേഷം മോദിജിയുടെ കൂറ്റൻ ചിത്രത്തിൽ ബിജെപി ജില്ല ഉപാധ്യക്ഷൻ പി പി സജീവ് മാല ചാർത്തി കൊണ്ട് സമാരംഭം കുറിച്ചു. മണ്ഡലത്തിന്റെ എല്ലാ മേഖലകളിലും ആഘോഷ പരിപാടികൾ നടന്നു.
വിവിധ സേവന പ്രവർത്തനങ്ങളും പായസ വിതരണങ്ങളും ശുചിത്വ പ്രവർത്തനങ്ങളുമൊക്കെയായി നാടാകെ വിവിധ പോഷക സംഘടനകളും പിറന്നാൾ ആഘോഷങ്ങൾ സംഘടിപ്പിച്ചു. കൂറ്റൻ ഫ്ലെക്സ് ബോർഡുകളും കൊടി തോരണങ്ങളുമായി ആരാധകർ മുക്കും മൂലയും അലങ്കരിച്ചു. ക്ഷേത്രങ്ങളിലും പള്ളികളിലും മോസ്കുകളിലും നേതാക്കൾ സന്ദർശിച്ചു പ്രത്യേക പൂജകളും വഴിപാടുകളും നടത്തി.
കോതമംഗലത്ത് നടന്ന ആഘോഷങ്ങൾ ബിജെപി ജില്ല വൈസ് പ്രസിഡന്റ് പി പി സജീവ് ഉത്ഘാടനം നടത്തി. മണ്ഡലം പ്രസിഡന്റ് മനോജ് ഇഞ്ചുർ അധ്യക്ഷത വഹിച്ചു. ഇ ടി നടരാജൻ, ജയകുമാർ വെട്ടിക്കാടൻ, സജീവ് മലയിൻകീഴ്,കെ ആർ രഞ്ജിത്, രാമചന്ദ്രൻ അമ്പാട്ട്, അജി പൂക്കട, എം എ സുരേന്ദ്രൻ, അയിരൂർ ശശിന്ദ്രൻ,പി.ജി ശശി,പി എസ് രാജു,സന്ധ്യ സുനിൽ, അനു രാജേഷ് എന്നിവർ നേതൃത്വം നൽകി.
തുടർന്ന് പായസ വിതരണവും നടന്നു.രാവിലെ നേതാക്കൾ വിവിധ ക്ഷേത്രങ്ങളിലും പള്ളികളിലും ആരാധന നടത്തി.ഇഞ്ചൂർ ശ്രീകൃഷ്ണ സ്വാമി ക്ഷേത്രം,പിടവൂർ ശ്രീ അന്നപൂർണ്ണേശ്വരി ക്ഷേത്രം,തൃക്കാരിയൂർ മഹാദേവക്ഷേത്രം,പിണ്ടിമന ചിറ്റേക്കാട്ട് കാവ് ഭഗവതിക്ഷേത്രം, നേര്യമംഗലം ശ്രീധർമ്മശാസ്താ ക്ഷേത്രം,ഇളങ്കാവ് ഭഗവതി ക്ഷേത്രം, കോതമംഗലം മാർത്തോമ ചെറിയപള്ളി, കോതമംഗലം സെന്റ് ജോർജ് കത്തീഡ്രൽ എന്നിവിടങ്ങളിലും നേതാക്കൾ എത്തി പ്രാർഥന നടത്തി.
കോതമംഗലം ചെറിയപള്ളി വികാരി ഫാ. ജോസ് പരത്തുവയലിൽ മോഡിക്ക് വേണ്ടി പ്രാർഥന നടത്തി. ട്രസ്റ്റി ബിനോയ് മണ്ണഞ്ചേരിയും പങ്കെടുത്തു. കോതമംഗലം സെന്റ് ജോർജ് കത്തീഡ്രൽ വികാരി ഫാ. ജോൺസൺ വാമറ്റത്തിൽ,ട്രസ്റ്റി ചെറിയാൻ തെക്കേക്കര, മുൻ ട്രസ്റ്റി മാത്യൂസ് ജോസഫ് എന്നിവർ നേതാക്കളെ സ്വീകരിക്കുകയും നേതാക്കൾ നൽകിയ മധുരം സ്വീകരിക്കുകയും ചെയ്തു.
