കോതമംഗലം: കള്ളാട് കല്ലുങ്കൽ കുരുവിള തോമസ്, സ്റ്റീഫൻ എന്നിവരുടെ 4 ഏക്കറോളം വീതം വരുന്ന പറമ്പിലെ അടിക്കാടുകൾ , പൈനാപ്പിൾ കൃഷി സ്ഥലം എന്നിവിടങ്ങളിൽ തീ പിടിച്ച് ഉദ്ദേശം ഒരു ഏക്കറോളം വരുന്ന ഭാഗത്തെ അടിക്കാടുകളും പൈനാപ്പിൾ കൃഷിയും , കുറച്ച് വാഴ, റബ്ബർ തൈകൾ എന്നിവ തീ പിടിത്തത്തിൽ കത്തി നശിച്ചു. കോതമംഗലം അഗ്നിരക്ഷാ സേനയുടെ വാട്ടർ ടെണ്ടറിൽ നിന്നും വെള്ളം പമ്പ് ചെയ്ത് അര മണിക്കൂറോളം സമയം കൊണ്ട് സേന തീ അണക്കുകയും മറ്റ് ഭാഗങ്ങളിലേക്ക് പടരാതെ സംരക്ഷിക്കുകയും ചെയ്തു.
ഗ്രേഡ് അസ്സി. സ്റ്റേഷൻ ഓഫീസർ അനിൽ കുമാർ, സീനിയർ ഫയർ ഓഫീസർ പി.എം റഷീദ്, മറ്റ് സേനാംഗങ്ങളായ നന്ദു കൃഷ്ണ,രാഗേഷ് കുമാർ ,വിഷ്ണമോഹൻ, അജ്നാസ് ,സായ് കൃഷ്ണ,കെ.പി ഷെമീർ, അൻസിൽ, ഹോംഗാർഡ് സുധീഷ്, സേതു എന്നിവർ ചേർന്നാണ് തീ അണച്ചത്.
