കോതമംഗലം: പുനര്‍ജനി 2024 എന്ന പേരില്‍ കോതമംഗലം ജോസ് കോളേജ് 1989-91 പിഡിസി ബാച്ച് പൂര്‍വ്വ വിദ്യാര്‍ത്ഥി സംഗമം നടന്നു.
കോതമംഗലം പൊതുമരാമത്ത് ഗസ്റ്റ് ഹൗസില്‍ നടന്ന കൂട്ടായ്മയില്‍ അദ്ധ്യാപകരും പൂര്‍വ്വ വിദ്യാര്‍ത്ഥികളും പങ്കെടുത്തു. മലയാളം അദ്ധ്യാപകനായിരുന്ന കെ എന്‍ മണി സംഗമം ഉദ്ഘാടനം ചെയ്തു. പൂര്‍വ്വവിദ്യാര്‍ത്ഥി ബിനോ കെ ജോസ് അധ്യക്ഷത വഹിച്ചു.
ദീര്‍ഘകാലം ജോസ് കോളേജ് ജോസ് പ്രിന്‍സിപ്പല്‍ ആയിരുന്ന ജോസ് ചക്കിയത്ത് മുഖ്യാഥി ആയിരുന്നു.
സെട്രല്‍ ഗവ.പ്ലീഡര്‍ അഡ്വ.കെ. പി. വില്‍സണ്‍, സിസ്റ്റര്‍ റൂബി കാക്കനാട്ട്, സുരേഷ് എം കുമാര്‍, സിനി ശ്രീരാമചന്ദ്രന്‍ എന്നിവര്‍ പ്രസംഗിച്ചു. പൂര്‍വ്വ വിദ്യാര്‍ത്ഥികളുടെ വിവിധ കലാപരിപാടികളും മത്സരങ്ങളും നടന്നു. പഴയ ഇംഗ്ലീഷ് ക്ലാസിന്റെ പുനരവിഷക്കരണം ഇഗ്ലീഷ് അദ്ധ്യാപകനായ ഒ.എം യൂസഫും, പൂര്‍വ്വവിദ്യാര്‍ത്ഥിയും മജീഷ്യനുമായ സോജന്‍ ജോണിന്റെ മാജിക്ക് ഷോയും നടത്തി.
