കോതമംഗലം: കോതമംഗലത്തിൻ്റെ സമഗ്ര വികസനത്തിനായി മുന്നിൽ നിന്നു പ്രവർത്തിക്കുന്ന കോതമംഗലം ജനകീയ കൂട്ടായ്മ തെരുവിൻ്റെ മക്കളോടൊപ്പം ഓണം ആഘോഷിച്ചു .കോതമംഗലം ടൗണിലെ നിരാംല ബരായ ആളുകൾക്ക് ഓണസദ്യയും, ഓണപ്പുടവ നല്കിയും അവരോടെപ്പം ഭക്ഷണം കഴിച്ചുമാണ് ഓണമാഘോഷിച്ചത്. കോവിഡിന്റെ പച്ചത്തലത്തിൽ ടൗണിന്റെ വിവിത പ്രദേശങ്ങളിൽ അവരുടെ അടുത്ത് ചെന്നാണ് ഓണസദ്യയും പുടവയും നൽകിയത്.
കേരള ബാങ്ക് പ്രസിഡൻ്റ് ഗോപി കോട്ടമുറിക്കൽ ഓണപ്പുടവ നല്കി ഉദ്ഘാടനം നിർവ്വഹിച്ചു. ജില്ലാ പഞ്ചായത്ത് പ്രസിഡൻറ് ഉല്ലാസ് തോമസ്, കോതമംഗലം എം.എൽ.എ ആൻ്റണി ജോൺ, ബ്ലോക്കു പഞ്ചായത്ത് പ്രസി.പി.എഎം ബഷീർ, മുനിസിപ്പൽ ചെയർമാൻ കെ.കെ ടോമി, എ.ജി ജോർജ്, കെ.എ നൗഷാദ് എന്നിവർ പങ്കെടുത്തു. കൂട്ടായ്മ ഭാരവാഹികളായ ജോർജ് എടപ്പാറ, അഡ്വ.രാജേഷ് രാജൻ, ബോബി ഉമ്മൻ, ബാബു ക്രയോൺസ് എന്നിവർ നേതൃത്വം നല്കി.
വളരെ ദുരിതപൂർണ്ണമായ സാഹചര്യത്തിലാണ് നാം ഓണം ആഘോഷിക്കുന്നത് കോതമംഗലം ജനകീയ കൂട്ടായ്മ കുടുംബത്തോടൊപ്പുള്ള ആഘോഷത്തിനപ്പുറം തെരുവിലലയുന്നവരോടൊപ്പം ചേർന്ന് നിന്ന് ഓണാഘോഷത്തിൽ പങ്കുചേരുവാനാണ് തീരുമാനിച്ചത് എന്ന് ജനകീയ കൂട്ടായ്മ
ഭാരവാഹി അഡ്വ.രാജേഷ് രാജൻ പറഞ്ഞു.
