കോതമംഗലം : കൊറോണ വ്യാപിച്ചതിനെ തുടർന്ന് മുടങ്ങിയ കോതമംഗലം ഗവണ്മെന്റ് ആശുപത്രിയിലെ ഉച്ചഭക്ഷണ വിതരണം ഡി വൈ എഫ് ഐ കോതമംഗലം ബ്ലോക്ക് കമ്മിറ്റി ഏറ്റെടുത്തു. അറുപതോളം വരുന്ന രോഗികൾക്കും കൂട്ടിരിപ്പുകാർക്കും ഇന്ന് മുതൽ ഉച്ചഭക്ഷണം മുടക്കം കൂടാതെ എത്തിച്ചു നൽകും. ഇന്ന് നടന്ന ഭക്ഷണ വിതരണത്തിൽ
ബ്ലോക്ക് കമ്മറ്റി സെക്രട്ടറി ആദർശ് കുര്യാക്കോസ് ,ജോ: സെക്രട്ടറി എൽദോസ് പോൾ, വൈ: പ്രസിഡൻറ് അഭിജിത് രാജു, മേഖല സെക്രട്ടറി എൽസൺ സജി ,ബിനുവർഗ്ഗീസ്, ഷാമോൻ എന്നിവർ നേതൃത്വം നൽകി.
കൂടാതെ തെരുവിൽ കഴിയുന്ന മുപ്പതോളം വരുന്നവർക്കുമുള്ള ഭക്ഷണവും ഡി വൈ എഫ് ഐ വിതരണം ചെയ്യും.
