കോതമംഗലം: കോതമംഗലത്ത് പത്തനംതിട്ട സ്വദേശിയുടെ ബൈക്ക് മോഷണം പോയി; നാല് പേർ ചേർന്ന് ബൈക്ക് മോഷ്ടിക്കുന്നതിൻ്റെ CCTV ദൃശ്യം പോലീസിന് ലഭിച്ചു. പത്തനംതിട്ട സ്വദേശി അലൻ തമ്പിയുടെ പൾസർ NS 160 റെഡ് ആൻ്റ് ബ്ലാക്ക് ബൈക്കാണ് മോഷണം പോയത്. k L O5 AQ 8041 ആണ് ബൈക്കിൻ്റെ നമ്പർ. 12-ാം തീയതി നടക്കുന്ന ഒരു കല്യാണച്ചടങ്ങിൽ പങ്കെടുക്കാൻ അലൻ തലേ ദിവസം മലയിൻകീഴിലുള്ള ഒരു ലോഡ്ജിൽ മുറിയെടുത്ത് താമസിക്കുകയായിരുന്നു.
ലോഡ്ജിൻ്റെ മുന്നിൽ പാർക്ക് ചെയ്തിരുന്ന ബൈക്കിന് സമീപത്തേക്ക് മൂന്ന് യുവാക്കൾ നടന്നും ഒരാൾ ബൈക്കിലും വരുന്നത് കാണാം. കുറച്ചു സമയത്തിനുള്ളിൽ രണ്ട് പേർ ചേർന്ന് ബൈക്ക് സ്റ്റാർട്ടാക്കി ടൗൺ ഭാഗത്തേക്ക് പോകുന്നതും CCTV ദൃശ്യങ്ങളിൽ കാണാൻ കഴിയുന്നുണ്ട്. ബൈക്ക് ഉടമയുടെ പരാതിയെ തുടർന്ന് കോതമംഗലം പോലീസ് കേസെടുത്ത് അന്വേഷണം ആരംഭിച്ചു.
