കോതമംഗലം: മദ്യപാനികളുടെ പുതുവർഷ ആഘോഷങ്ങൾക്ക് കരിനിഴൽ പരത്തിക്കൊണ്ട് കോതമംഗലം ബിവറേജ് (FL1 7053) ഇന്ന് അടച്ചു. ബിവറേജിലെ രണ്ട് ജീവനക്കാർക്ക് കോവിഡ് പരിശോധനയിൽ പോസറ്റീവ് ആയതിനെത്തുടർന്നാണ് ആരോഗ്യവകുപ്പിന്റെ മുൻകരുതൽ നടപടിയായി താൽക്കാലികമായി സ്ഥാപനം അടച്ചത്.
വിൽപ്പന ശാലയിൽ ഉണ്ടായിരുന്ന മറ്റ് ജീവനക്കാരോടും കോറന്റീനിൽ പോകുവാൻ ആരോഗ്യ വകുപ്പ് നിർദ്ദേശം കൊടുത്തിരിക്കുകയാണ്. തന്മൂലം പുതുവർഷ വിൽപ്പന മുടങ്ങുവാനാണ് സാധ്യത. ലോക്കൽ കൗണ്ടറും, പ്രീമിയും വിൽപ്പന ശാലയും അണുനശീകരണം നടത്തിയാൽ മാത്രമേ ഇനി പ്രവർത്തനം പുനരാരംഭിക്കുവാൻ സാധിക്കുകയുള്ളു.
