കോതമംഗലം : ഓട്ടോ റിക്ഷാ ഡ്രൈവർക്ക് കേരളാ ഭാഗ്യക്കുറിയുടെ 75 ലക്ഷം .കോതമംഗലം – തൃക്കാരിയൂർ റൂട്ടിൽ തങ്കളം ആലും മാവും ചുവട്ടിൽ എലബലക്കാട്ട് സതീഷിന് കേരളാ ഭാഗ്യക്കുറി ശ്രീ ശക്തിയുടെ ഒന്നാം സമ്മാനമായ 75 ലക്ഷം . തങ്കളത്ത് ഓട്ടോ റിക്ഷ ഡ്രൈവറായ സതീഷ് , ഭാര്യ മായ, മകൻ അഭിജിത്, മകൾ അഭിരാമി എന്നിവരടങ്ങുന്ന സന്തുഷ്ട കുടുംബത്തിലേക്കാണ് 75 ലക്ഷം എത്തിയത്.
നറുക്കെടുപ്പ് ജൂൺ 25 ന് കഴിഞ്ഞ് ഫലം പുറത്തു വന്നെങ്കിലും സതീഷ് ലോട്ടറി നോക്കിയത് 2 ദിവസം കഴിഞ്ഞാണ് . കോതമംഗലം സി എസ് ലക്കി സെന്റർ വിറ്റ ടിക്കറ്റിനാണ് സ മ്മാനം ലഭിച്ചത്. കോതമംഗലം ടൗണിൽ ലോട്ടറി ടിക്കറ്റ് വിൽപ്പന നടത്തുയ്യുന്ന പളനിയിൽ നിന്നുമാണ് സതീഷ് ടിക്കറ്റ് വാങ്ങിയത്. സ്ഥിരമായി ലോട്ടറി എടുക്കാറില്ലെന്നും വല്ലപ്പോഴുമാത്രമെ ലോട്ടറി വാങ്ങാറുള്ളുവെന്നും സതീഷ് പറഞ്ഞു.
