കോതമംഗലം: ആദ്യമായി ഒളിമ്പിക്സ് മാതൃകയിൽ സംഘടിപ്പിച്ചിട്ടുള്ള കേരള സ്കൂൾ കായിക മേളയുടെ ആദ്യ യിനങ്ങളിലൊന്നായ നീന്തൽ മത്സരങ്ങൾ കോതമംഗലത്ത് ആരംഭിച്ചു. കോതമംഗലം എം എ കോളേജിലാണ് സ്വിമ്മിംഗ് മത്സരങ്ങൾ നടത്തുന്നത്. 92 ഇനങ്ങളിൽ സബ് ജൂനിയർ , ജൂനിയർ , സീനിയർ വിഭാഗങ്ങളിൽ ആൺകുട്ടികൾക്കും പെൺകുട്ടികൾക്കും വെവ്വേറെ മത്സരങ്ങളാണ് സംഘടിപ്പിച്ചിരിക്കുന്നത്. എം.എ കോളേജിൽ 5-ാo തീയതി ആരംഭിച്ച് 8-ാം തീയതി അവസാനിക്കുന്ന രീതിയിലാണ് മത്സരങ്ങൾ ക്രമീകരിച്ചിരിക്കുന്നത്. 1400 ഓളം കുട്ടികൾ വിവിധ വിഭാഗങ്ങളിലായി മത്സരങ്ങളിൽ പങ്കെടുക്കും.
ആൻ്റണി ജോൺ MLA ഉദ്ഘാടനം ചെയ്തു.നഗരസഭ ചെയർമാൻ K K ടോമി അധ്യക്ഷത വഹിച്ചു.
