മൂവാറ്റുപുഴ: പ്രാദേശിക മാധ്യമ പ്രവര്‍ത്തകര്‍ക്ക് ക്ഷേമനിധി ഏര്‍പ്പെടുത്തണമെന്ന് മൂവാറ്റുപുഴയില്‍ നടന്ന കേരള ജേര്‍ണലിസ്റ്റ് യൂണിയന്‍ കിഴക്കന്‍ മേഖല പ്രവര്‍ത്തക കണ്‍വെന്‍ഷന്‍ ആവശ്യപ്പെട്ടു. കേരള ജേര്‍ണലിസ്റ്റ് യൂണിയന്‍ സംസ്ഥാന സെക്രട്ടറി ജോഷി അറയ്ക്കല്‍ കണ്‍വെന്‍ഷന്‍ ഉദ്ഘാടനം ചെയ്തു.
എന്‍ സി വിജയകുമാര്‍ അധ്യക്ഷനായി. സംസ്ഥാന വൈസ് പ്രസിഡന്റ് എം എ ഷാജി മുഖ്യപ്രഭാഷണം നടത്തി.
സംസ്ഥാന കമ്മറ്റി അംഗം സുനീഷ് മണ്ണത്തൂര്‍,ജില്ലാ പ്രസിഡന്റ് ലെത്തീഫ് കുഞ്ചാട്ട്, സെക്രട്ടറി ശശി പെരുമ്പടപ്പില്‍ കോതമംഗലം മേഖല പ്രസിഡന്റ് പി എ സോമന്‍, പിറവം മേഖല പ്രസിഡന്റ് ജോമോന്‍ പിറവം, മൂവാറ്റുപുഴ മേഖല പ്രസിഡന്റ് കെ എസ് സന്തോഷ് കുമാര്‍, കോലഞ്ചേരി മേഖല പ്രസിഡന്റ് ബാബു പി ഗോപാല്‍, മുന്‍ കോതമംഗലം താലൂക്ക് പ്രസിഡന്റ് സീതി മുഹമ്മദ്,മുന്‍ മൂവാറ്റുപുഴ താലൂക്ക് പ്രസിഡന്റ് അബ്ബാസ് ഇടപ്പിള്ളി തുടങ്ങിവര്‍ സംസാരിച്ചു.
