സമ്പൂർണ്ണ ഡിജിറ്റൽ സാക്ഷരത കൈവരിച്ച് കവളങ്ങാട് ഗ്രാമപഞ്ചായത്ത്

കോതമംഗലം: കവളങ്ങാട് ഗ്രാമപഞ്ചായത്ത് ഡിജി കേരളം സമ്പൂർണ്ണ ഡിജിറ്റൽ സാക്ഷരത കൈവരിച്ചതായി കോതമംഗലം എം.എൽ.എ ആന്റണി ജോൺ പ്രഖ്യാപിച്ചു. ചടങ്ങിൽ കവളങ്ങാട് ഗ്രാമപഞ്ചായത്ത് പ്രസിഡന്റ് സിബി മാത്യു അധ്യക്ഷനായി. വൈസ് പ്രസിഡന്റ് ലിസി ജോളി വികസനകാര്യ സ്റ്റാൻഡിങ് കമ്മിറ്റി ചെയർമാൻ റ്റി.എച്ച് നൗഷാദ് ആരോഗ്യകാര്യ സ്റ്റാൻഡിങ് കമ്മിറ്റി ചെയർമാൻ ഷിബു പടപ്പറമ്പത്ത് ക്ഷേമകാര്യാ
സ്റ്റാൻഡിങ് കമ്മിറ്റി ചെയർപേഴ്സൺ ഉഷാ ശിവൻ ബ്ലോക്ക് മെമ്പർ കുഞ്ഞുമോൻ മെമ്പർമാരായ സൈജന്റ് ചാക്കോ,സുഹറ ബഷീർ, രാജേഷ് കുഞ്ഞുമോൻ, റ്റീനാ റ്റിനു, തോമാച്ചൻ ചാക്കോച്ചൻ എന്നിവരും സി.ഡി.എസ് ചെയർപേഴ്സൺ ജമീല ഷംസുദ്ദീൻ, MBITS എഞ്ചിനീയറിംഗ് കോളേജ് എൻ.എസ്.എസ് കോഡിനേറ്റർ സിജു രാമചന്ദ്രൻ എന്നിവർ ആശംസകൾ അർപ്പിച്ചു.

ഡിജി സർവ്വേയിൽ മികച്ച സേവനം കാഴ്ചവച്ച MBITS എംപിക്സ് എൻജിനീയറിങ് കോളേജ് എൻ.എസ്.എസ് യൂണിറ്റിനെ ചടങ്ങിൽ ആദരിച്ചു. അസിസ്റ്റന്റ് സെക്രട്ടറി അനിൽ കുമാർ എം. ആർ നന്ദി അർപ്പിച്ചു