കോതമംഗലം : തങ്കളം ബബല സ്പോർട്സ് എന്ന് സൈക്കിൾ കടയിലെ റിപ്പയറിങ് ജീവനക്കാരനായ തമിഴ്നാട് കുംഭകോണം സ്വദേശിയായ ഷണ്മുഖത്തിനെ ആണ് ഭാഗ്യം തേടിയെത്തിയത്.
ഒരു വർഷത്തിലേറെയായി ഷണ്മുഖം കേരളത്തിൽ എത്തിയിട്ട്. വന്നപ്പോൾ മുതൽ മുടങ്ങാതെ കേരള ലോട്ടറി എടുക്കുന്ന ഷണ്മുഖം എടുത്ത KD 508706 എന്ന് ടിക്കറ്റിനാണ് ഒന്നാം സമ്മാനമായ 80 ലക്ഷം ലഭിച്ചത്. ബാങ്ക് അവധി ആയതിനാൽ സമ്മാനാർഹമായ ടിക്കറ്റ് അപ്പോൾതന്നെ കടയുടമ മാതിരപ്പിള്ളി കണ്ണാപള്ളി ഹാരിസിന് കൈമാറി.
ഭാര്യ കർപ്പകവല്ലിയും മകൾ ഗുണനിധിയും കുംഭകോണകത്ത് ആണ്. ഭാവിപരിപാടികൾ തീരുമാനിച്ചിട്ടില്ലെന്നാണ് ഷണ്മുഖം പറഞ്ഞത്. കോതമംഗലം കൃഷ്ണ ഏജൻസിലെ ജോസഫ് എന്ന ടിക്കറ്റ് വിൽപ്പനക്കാരനിൽ നിന്നാണ് ലോട്ടറി വാങ്ങിയത്.
