വാഹനങ്ങൾ തമ്മിൽ കൂട്ടിയിടിച്ചു; യാത്രക്കാർ അത്ഭുതകരമായി രക്ഷപെട്ടു

കോതമംഗലം : കറുകടത്ത് ബൊലെറോ ജീപ്പ് വാഗണാറിൽ ഇടിച്ചു പത്തടി താഴ്ചയിലേക്ക് മറഞ്ഞു. വൈകിട്ട് നാലു മണിയോടെ കോതമംഗലം ഭാഗത്തു നിന്ന് വന്ന ബൊലെറോ വാഹനം ഷാപ്പിൻപടിക്കും അമ്പലംപടിക്കും ഇടയിൽ എതിരെ വന്ന മാരുതി വാഗണാറിൽ ഇടിച്ചതിന് ശേഷം താഴ്ചയുള്ള പറമ്പിലേക്ക് മറിയുകയായിരുന്നു. ഇടിയുടെ ആഘാതത്തിൽ കാറുകൾക്ക് കേടുപാടുകൾ സംഭവിച്ചു. വാഗൺ ആറിൽ യാത്ര ചെയ്തവർ പരുക്കുകൾ ഇല്ലാതെ അത്ഭുതകരമായി രക്ഷപെട്ടു. പരിക്കേറ്റ ബോലോറോ യാത്രക്കാരെ മൂവാറ്റുപുഴയിലെ ആശുപത്രിയിൽ പ്രവേശിപ്പിച്ചു.