കോതമംഗലം : കര്‍ഷക വിരുദ്ധ നിയമങ്ങള്‍ പിന്‍വലിക്കുക, വിളകള്‍ക്ക് താങ്ങുവില നിശ്ചയിക്കുക, കര്‍ഷീക മേഖലയെ കോര്‍പ്പറേറ്റുകള്‍ക്ക് തീറെഴുതുന്ന നിയമം അവസാനിപ്പിക്കുക തുടങ്ങിയ ആവശ്യങ്ങൾ ഉന്നയിച്ചാണ് ഇന്ന് ഹർത്താൽ നടത്തുന്നത് കര്‍ഷക സമതി കോതമംഗലം വ്യക്തമാക്കി. കര്‍ഷക സമരത്തിന് ഐക്യദാര്‍ഢ്യം പ്രഖ്യാപിച്ച് യുഡിഎഫ് കോതമംഗലം നിയോജക മണ്ഡലം കര്‍ഷക സംഘടനകളുടെ ആഭിമുഖ്യത്തില്‍ നടത്തിയ കര്‍ഷക സംഗമം യുഡിഎഫ് ജില്ലാ കണ്‍വീനര്‍ ഷിബു തെക്കുംപുറം ഉദ്ഘാടനം ചെയ്തു.
ജെയിംസ് കോറമ്പേല്‍ അധ്യക്ഷനായി. കെ.പി. ബാബു മുഖ്യ പ്രഭാഷണം നടത്തി. എം.എസ്. എല്‍ദോസ്, ജോമി തെക്കേക്കര, സി.ജെ. എല്‍ദോസ്, റോയി കെ പോള്‍, ജോര്‍ജ് അമ്പാട്ട്, കെ.എം. എല്‍ദോസ്, ബേസില്‍ തണ്ണിക്കോട്ട്, മാര്‍ട്ടിന്‍ കീഴേമാടന്‍, ജോയി പനയ്ക്കല്‍, റിന്‍സ് റോയി എന്നിവര്‍ പ്രസംഗിച്ചു.
