പല്ലാരിമംഗലം സർക്കാർ വൊക്കേഷണൽ ഹയർസെക്കൻഡറി സ്കൂളിലെ വിദ്യാരംഗം കലാസാഹിത്യ വേദിയുടെയും വിവിധ ക്ലബ്ബുകളുടെയും ഉദ്ഘാടനം നടന്നു. വിദ്യാരംഗം കലാസാഹിത്യ വേദിയുടെയും വിവിധ ക്ലബ്ബുകളുടെയും ഉദ്ഘാടനം എറണാകുളം ജില്ലാ പഞ്ചായത്ത് അംഗം റാണിക്കുട്ടി ജോർജ് നിർവഹിച്ചു. സ്കൂൾ പിടിഎ പ്രസിഡണ്ട് പി എ റഷീദിന്റെ അധ്യക്ഷത വഹിച്ചു. കവിയും മാധ്യമപ്രവർത്തകനുമായ യൂസഫ് പല്ലാരിമംഗലം മുഖ്യപ്രഭാഷണം നടത്തി .റിട്ടയേർഡ് AEO മനോശാന്തി കെ , വൈക്കം മുഹമ്മദ് ബഷീർ അനുസ്മരണം നടത്തി.
അധ്യാപകനും നാടൻപാട്ട് കലാകാരനുമായ ശൈലേഷും സംഘവും അവതരിപ്പിച്ച നാടൻപാട്ട് കലാസപര്യ താളമേള ലയങ്ങളുടെ വ്യത്യസ്തമായ ആഘോഷ അനുഭവം പകരുന്നതായി . സ്കൂൾ ഹെഡ്മാസ്റ്റർ സജിമോൻ പി എൻ സ്വാഗതവും ചിത്ര ടീച്ചർ കൃതജ്ഞതയും പറഞ്ഞു. ഹയർസെക്കൻഡറി വിഭാഗം പ്രിൻസിപ്പൽ ഇൻ ചാർജ് ജോർജ് തോമസ് , വൊക്കേഷണൽ ഹയർ സെക്കൻഡറി വിഭാഗം പ്രിൻസിപ്പൽ ഇൻ ചാർജ്
അനു സൂസൻ ജോർജ് എന്നിവർ സംസാരിച്ചു.
