കോതമംഗലം: ലയൺസ് ക്ലബ് ഓഫ് കോതമംഗലം സംഘടിപ്പിച്ച പാലിയേറ്റീവ് കെയർ രോഗികൾക്കുള്ള ഓണക്കിറ്റ് വിതരണം ബഹുമാനപ്പെട്ട നഗരസഭാ ചെയർമാൻ കെ കെ ടോമിയുടെ അദ്ധ്യക്ഷതയിൽ എം എൽ എ ആൻ്റണി ജോൺ കോതമംഗലം താ ലൂക് ആശുപത്രിയിൽ ഉദ്ഘാടനം ചെയ്തു .
താലൂക്ക് ആശുപത്രി പാലിയേറ്റീവ് കെയർ വോളൻ്റിയർമാർക്കൊപ്പം ലയൺസ് അംഗങ്ങൾ പാലിയേറ്റീവ് കെയർ രോഗികളുടെ വീടുകൾ സന്ദർശിച്ചു നൂറോളം ഓണ കിറ്റുകൾ നേരിട്ട് എത്തിച്ചു കൊടുക്കും .
നഗരസഭാ ആരോഗ്യ സ്റ്റാൻഡിങ് കമ്മിറ്റി ചെയർമാൻ കെ വി തോമസ് സ്വാഗതവും വികസന സ്റ്റാൻഡിങ് കമ്മിറ്റി ചെയർമാൻ കെ എ നൗഷാദ്, നഗരസഭാ വൈസ് ചെയർപേഴ്‌സൺ സിന്ധു ഗണേശൻ, ലയൺസ് ക്ലബ് പ്രസിഡൻ്റ് ബിനോജ് ജോർജ് തുടങ്ങിയവർ ആശംസാ പ്രസംഗവും നടത്തി.
താലൂക്ക് ആശുപത്രി മെഡിക്കൽ സൂപ്രണ്ട് ഡോ.സാം പോൾ നന്ദിയും പറഞ്ഞു.
ലയൺസ് ക്ലബ് സെക്രട്ടറി Adv. സ്റ്റൈബി എൽദോ , സോൺ ചെയർമാൻ ഡോ.ബിനോയ് ഭാസ്കരൻ, Adv ടി.ജെ.ജോർജ്, Adv ഷിബു കുര്യാക്കോസ്, എൻ.ജെ.വർഗീസ്, ടി.ഡി. ശ്രീകുമാർ, Dr ജിഷ കുരുവിള, വിനിത സ്റ്റൈബി എന്നിവർ ചടങ്ങിൽ സന്നിഹിതരായിരുന്നു.
