കോതമംഗലം ‘:എറണാകുളം റവന്യൂ ജില്ലാ സ്കൂൾ കായികമേള ഇന്ന് മുതൽ 23 വരെ നടക്കുന്നതിന്റെ ഭാഗമായുള്ള ഊട്ടുപുരയുടെ ഉദ്ഘാടനം ജില്ലാ വിദ്യാഭ്യാസ ഉപഡയറക്ടർ ഹണി ജി. അലക്സാണ്ടർ നിർവഹിച്ചു.കോതമംഗലം എം എ കോളേജ് ഇൻഡോർ സ്റ്റേഡിയത്തിലാണ് ഭക്ഷണശാല പ്രവർത്തിക്കുന്നത്.മൂന്ന് ദിവസത്തെ മേളയിൽ 4500 ഓളം കായിക പ്രതിഭകൾക്കായി ഇവിടെ നോൺ വെജിറ്റേറിയൻ ഭക്ഷണം ഒരുക്കുന്നത്.
എ.ഇ.ഒ സജീവ് കെ ബി കെ.പി.എസ്.ടി.എ സംസ്ഥാന വൈസ് പ്രസിഡൻ്റ് ടി.യു സാദത്ത്,കൺവീനർ അജിമോൻ പൗലോസ് ,വിൻസന്റ് ജോസഫ്, സിജു ഏലിയാസ് , പബ്ലിസിറ്റി കൺവീനർ ജോമോൻ ജോസ് ,എൽദോ സ്റ്റീഫൻ, സജി ചെറിയാൻ രാജേഷ് പ്രഭാകർ, ജോജി സെബാസ്റ്റ്യൻ , ജോസ് പി.ജെഎന്നിവർ പ്രസംഗിച്ചു.
കോതമംഗലത്തെ പ്രമുഖ ക്യാറ്ററിങ് സ്ഥാപനമായ മലബാർ ടേസ്റ്റി കാറ്ററിംഗ് ഉടമ സജി കുര്യനാണ് ഊട്ടുപുരയിലെ പാചക നേതൃത്വം . മുനിസിപ്പൽ പ്രതിപക്ഷ നേതാവ് എ ജി ജോർജ് ചെയർമാനായും , കെപിഎസ് ടി.എ എറണാകുളം ജില്ലാ സെക്രട്ടറി അജിമോൻ പൗലോസ് കൺവീനറുമായിട്ടാണ് ഭക്ഷണകമ്മിറ്റിയുടെ പ്രവർത്തനങ്ങൾക്ക് ചുക്കാൻ പിടിക്കുന്നത്
