പല്ലാരിമംഗലം: ഗ്രാമപഞ്ചായത്ത് 2023 – 2024 വാർഷിക പദ്ധതിയിൽ ഉൾപ്പെടുത്തി ജൈവ മാലിന്യ സംസ്കരണത്തിനായി പൈമറ്റം യു പി സ്കൂളിൽ നിർമ്മിച്ച എയ്റോ ബയോബിന്റെ ഉദ്ഘാടനം പഞ്ചായത്ത് വൈസ്പ്രസിഡന്റ് ഒ ഇ അബ്ബാസ് നിർവ്വഹിച്ചു. വികസനകാര്യ സ്ഥിരംസമിതി അദ്ധ്യക്ഷ സ്ഥിയ സലിം അദ്ധ്യക്ഷത വഹിച്ചു.
ആരോഗ്യ വിദ്യാഭ്യാസ സ്ഥിരംസമിതി അദ്ധ്യക്ഷ സീനത്ത് മൈതീൻ, വാർഡ് മെമ്പർമാരായ എ എ രമണൻ, റിയാസ് തുരുത്തേൽ, ആഷിത അൻസാരി, കവളങ്ങാട് സഹകരണ ബാങ്ക് ബോർഡ് മെമ്പർ വി എസ് നൗഫൽ, മുൻപഞ്ചായത്ത് വൈസ്പ്രസിഡന്റ് എം ഒ സലിം, മുൻ മെമ്പർ പി എം സിദ്ധീഖ്, ഹെഡ്മിസ്ട്രസ് സിനി എൽദോസ്, മുൻ ഹെഡ്മാസ്റ്റർ എം എ വത്സലൻ, പിടിഎ പ്രസിഡന്റ് പി എച്ച് സക്കീർ എന്നിവർ പ്രസംഗിച്ചു.
