വാരപ്പെട്ടി പഞ്ചായത്തിൽ ഹരിത കർമ്മസേനക്ക് ആദരവും അതിദരിദ്ര, ആശ്രയ കുടുംബങ്ങൾക്ക് ഓണക്കിറ്റും ഓണക്കോടിയും ആശ വർക്കർമാർക്ക് ഓണക്കോടിയും വിതരണം ചെയ്തു

കോതമംഗലം: ഗ്രാമപഞ്ചായത്ത് അങ്കണത്തിൽ നടന്ന ചടങ്ങിൽ ഗ്രാമപഞ്ചായത്ത് പ്രസിഡന്റ് പി കെ ചന്ദ്രശേഖരൻ നായർ അധ്യക്ഷത വഹിച്ചു. ആന്റണി ജോൺ എം എൽ എ ചടങ്ങ് ഉദ്ഘാടനം ചെയ്തു. ഹരിതകർമ്മ സേനാ അംഗങ്ങൾക്ക് ധനസഹായവും ഓണക്കോടിയും ആശ വർക്കർമാർക്കും ഓണക്കോടിയും വിതരണം ചെയ്തു. ഗ്രാമപഞ്ചായത്തിലെ ആശ്രയ, അതിദരിദ്രരായിട്ടുള്ളവർക്ക് ഓണക്കോടിയും ഓണകിറ്റും വിതരണം ചെയ്തു.

ചടങ്ങിൽ ഗ്രാമപഞ്ചായത്ത് വൈസ് പ്രസിഡന്റ് ബിന്ദു ശശി, ബ്ലോക്ക് പഞ്ചായത്ത് വൈസ് പ്രസിഡന്റ് ഡയാന നോബി, ബ്ലോക്ക് പഞ്ചായത്ത് അംഗം നിസാമോൾ ഇസ്മയിൽ, ഗ്രാമപഞ്ചായത്ത് അംഗങ്ങളായ എയ്ഞ്ചൽ മേരി ജോബി, പി പി കുട്ടൻ, കെ എം സെയ്ത്, കെ കെ ഹുസൈൻ, ദിവ്യ സലി, ശ്രീകല സി, എം എസ് ബെന്നി, ദീപ ഷാജു, ഷജി ബെസി, പഞ്ചായത്ത് സെക്രട്ടറി എം എം ഷംസുദ്ദീൻ, VEO വരുൺ, സി ഡി എസ് ചെയർപേഴ്സൺ ധന്യ സന്തോഷ്, വൈസ് ചെയർപേഴ്സൺ ബിന്ദു ഉണ്ണി, മറ്റ് സി ഡി എസ് മെമ്പർമാർ തുടങ്ങിയവർ സംസാരിച്ചു.