കോതമംഗലം: നെല്ലിക്കുഴി പീസ് വാലി ക്യാമ്പസിൽ തിങ്ങി നിറഞ്ഞ ആയിരങ്ങളെ സാക്ഷി നിർത്തി പ്രാർത്ഥന ഫൌണ്ടേഷൻ ചെയർമാനും പ്രവാസി വ്യവസായിയുമായ സി കെ പദ്മ കുമാർ, ചലചിത്ര നടൻ ഫഹദ് ഫാസിൽ എന്നിവർ ചേർന്ന് പ്രാർത്ഥന ചിൽഡ്രൻസ് വില്ലേജ് ഉത്ഘാടനം നിർവഹിച്ചു .
ഭിന്നശേഷിക്കാർക്കുള്ള പദ്ധതികളിൽ പ്രാർത്ഥന ഫൌണ്ടേഷൻ തുടർന്നും പീസ് വാലിക്ക് ഒപ്പമുണ്ടാകുമെന്ന് സി കെ പദ്മകുമാർ ഉത്ഘാടന പ്രഭാഷണത്തിൽ പറഞ്ഞു.
പീസ് വാലിയുടെ പ്രവർത്തങ്ങൾ അതിശയപ്പെടുത്തുന്നതാണെന്നും പീസ് വാലിക്കൊപ്പം തുടർന്നും ഉണ്ടാകുമെന്ന് ഫഹദ് ഫാസിൽ പറഞ്ഞു. പീസ് വാലി ചെയർമാൻ പി എം അബൂബക്കർ അധ്യക്ഷത വഹിച്ചു.
ഡോ മുരളി തുമ്മാരുകുടി, സിവിൽ സർവീസ് പരീക്ഷയിൽ ഉന്നത വിജയം നേടിയ സെറിബ്രൽ പാൽസി ബാധിതായ ശാരിക എ കെ, എം എ മുഹമ്മദ്, ഡിസബിലിറ്റി ആക്റ്റീവിസ്റ്റ് ധന്യ രവി,
പീസ് വാലി ഉപാധ്യക്ഷൻ കെ എം യൂസുഫ്, രാജീവ് പള്ളൂരുത്തി, ഡോ സാം പോൾ എന്നിവർ സംസാരിച്ചു.
രക്ഷിതാക്കളുടെ അഭാവത്തിൽ ഭിന്നശേഷിക്കാരുടെ അതിജീവനം ചോദ്യചിഹ്നമാകുന്ന വർത്തമാനകാല സാഹചര്യത്തിൽ ഏറ്റവും ആവശ്യകരമായ പദ്ധതിയാണ് സാമൂഹിക സേവന മേഖലയിൽ പ്രവർത്തനം ആരംഭിച്ചത്.
റെസിഡൻഷ്യൽ ലൈഫ് സ്കൂൾ, ഉപേക്ഷിച്ചക്കപെടുന്ന ഭിന്നശേഷിക്കാർക്കുള്ള അമ്മ തൊട്ടിൽ എന്നിവയാണ് 30000 ചതുരശ്ര അടി വിസ്തീർണ്ണം ഉള്ള കെട്ടിടത്തിൽ സജ്ജമാക്കിയിട്ടുള്ളത്.
ഭിന്നശേഷിക്കാരായ കുട്ടികൾക്കുള്ള അമ്മ തൊട്ടിലും ഇതോടൊപ്പം പ്രവർത്തനം ആരംഭിക്കുന്നുണ്ട്.
വടക്കൻ പറവൂർ ആസ്ഥാനമായ പ്രാർത്ഥന ഫൌണ്ടേഷനൊപ്പം ചിൽഡ്രൻസ് വില്ലേജ് പദ്ധതിയിൽ കൈകോർത്തത്.
ഭക്ഷണം കഴിക്കാനും വസ്ത്രം ധരിക്കാനും ശുചിമുറി ഉപയോഗിക്കാനും തൊഴിൽ പരിശീലനത്തിനുമുള്ള പാഠങ്ങളുമാണ് ഇവിടെ പരിശീലിപ്പിക്കുക.
150 കുട്ടികൾക്കുള്ള സൗകര്യമാണ് ഒരുക്കിയിട്ടുള്ളത്.
0-6 വയസ്സ് വരെയുള്ള കുട്ടികൾക്കുള്ള ഏർലി ഇന്റർവെൻഷൻ സെന്റർ രണ്ടു വർഷമായി ഭംഗിയായി പ്രവർത്തിക്കുന്നുണ്ട്.
