കോതമംഗലം : നെല്ലിക്കുഴി പഞ്ചായത്തില് ലൈഫ് മിഷനില് ഉള്പ്പെടുത്തി നിര്മ്മിക്കുന്ന 2 ഫ്ളാറ്റ് സമുച്ചയങ്ങളുടെ തറക്കല്ലിടല് 8ന് മന്ത്രി പി രാജീവ് നിര്വഹിക്കും. ആന്റണി ജോണ് എംഎല്എ അധ്യക്ഷ വഹിക്കും. രണ്ട് ബ്ലോക്കുകളിലായി 3 നിലകളിലായിട്ടാണ് ഫ്ളാറ്റ് നിര്മ്മിക്കുന്നത്.നെല്ലിക്കുഴി സ്വദേശി സമീര് പൂങ്കുഴി നെല്ലിക്കുഴി പഞ്ചായത്തിലെ 16-ാം വാര്ഡില് ചെറുവട്ടൂര് ആശാന്പടിയില് സൗജന്യമായി നല്കിയ 43 സെന്റ് സ്ഥലത്താണ് ഫ്ളാറ്റ് സമുച്ചയം നിര്മ്മിക്കുന്നത്.ആദ്യ ബ്ലോക്കില് 24 ഫ്ളാറ്റുകള് സര്ക്കാര് നിര്മ്മിക്കും.ഇതിനായി 3 കോടി 79 ലക്ഷം രൂപയാണ് അനുവദിച്ചിട്ടുള്ളത്.രണ്ടാമത്തെ ബ്ലോക്കില് 18 ഫ്ളാറ്റുകളാണ് നിര്മ്മിച്ച് നല്കുന്നത്. ഫ്ളാറ്റിലേക്ക് വേണ്ട അടിസ്ഥാന റോഡ്,ഇലക്ട്രിസിറ്റി,വാട്ടര് കണക്ഷന് തുടങ്ങിയ അടിസ്ഥാന സൗകര്യങ്ങള് നെല്ലിക്കുഴി പഞ്ചായത്ത് ഒരുക്കി നല്കും. നിര്മ്മാണ പ്രവര്ത്തനങ്ങള് വേഗത്തില് പൂര്ത്തീക്കരിക്കുമെന്ന് എംഎല്എ പറഞ്ഞു.
